gap/i PV

gapi  

(x)
Senpense, naive kaj iom stulte rigardadi, malfermegante okulojn kaj buŝon: mire gapi [1]; gapa admiro; [li] sidis en la parko kaj sencele gapis antaŭ si [2]; [li] gapis malkontente, kaj pretis diskuti plu [3]; la mondo gapas al Aŭstrio, indignante pro ties dekstra popolisto [4]; kiam […] mi la unuan fojon legis pri „enlitigitaj“ ĵurnalistoj, mi gapis konsternite [5]; por meznivela leganto restas nur gvate gapi la drolan miksaĵon de raraj vortoj [6]; pasumas turistoj kaj butikumantoj gapvagantaj [7].
1. Raymond Schwartz: La Stranga Butiko, Telegramo
2. Monato, La peko de Ros
3. Monato, Espero, 2003
4. Monato, Maul Stefan: Germanio: Brutalaj dekstruloj
5. Monato, Sincere via Stefan Maul: Milit-litoj, 2003
6. Monato, Boris Kolker: Poezio sed ne poemoj
7. Monato, Saliko: Tammisaari, urbeto ĉe Balta Maro, 2014
bulgare:
зяпам
ĉeĥe:
bezmyšlenkovitě koukat, civět, hloupě koukat, lelkovat, naivně koukat, zevlovat
france:
bayer, béer (bayer) ~a: béat (niais), niais
germane:
gaffen
hispane:
estar embobado, estar boquiabierto
hungare:
bámul
nederlande:
gapen
perse:
زل زدن، خیره شدن
portugale:
ficar boquiaberto, embasbacar-se
ruse:
глазеть, ротозейничать
slovake:
civieť, hlúpo pozerať, zízať

gapemo

Emo al naiva mirado, al pasema interesiĝo pri ajna vidataĵo: liaj promenoj en la urbego ne estis senutilaj, ĉar li ekspluatis ilin por […] perdadi la naivan gapemon de la kamparano, kiun li suspektis en si [8]; gapemulo.
8. J. Francis: La Granda Kaldrono, 1978
bulgare:
~emulo: зяпач
ĉeĥe:
~emulo: zevloun, čumil
france:
badauderie ~emulo: badaud
germane:
~emulo: Gaffer
hispane:
~emulo: mirón, papanatas
nederlande:
~emulo: gaper
portugale:
~emulo: um boquiaberta
ruse:
~emulo: зевака
slovake:
~emulo: čumil

seksogapejo, seksgapejo Vikipedio

Budo, en kiu oni spektas trans fenestro senvestiĝon aŭ alian erotikaĵon: la „soldatoj“ cirkulas en urbaj regionoj – plej ofte inter la drinkejoj, seksgapejoj, ktp – kie decaj homoj normale tute ne kuraĝus iri [9]; en seksgapejo oni povas tra truo spekti senvestiĝon, elmontron de nudeco aŭ seksumadon [10].
9. Pejno S.: La Savarmeo malpermesata en Moskvo, soc.culture.esperanto, 2000-12-09
10. Vikipedio, artikolo „rigardismo“, 2008-08-31
angle:
peepshow
france:
peepshow
germane:
Peepshow

administraj notoj