*ŝi

*ŝi

Ununombra virina pronomo de tria persono: la vendistino volis scii, por kiu ŝi kreos la floraranĝon[1]; ŝi estas instruisto.
Rim.: En Esperanto ne ekzistas gramatika sekso. Sekso estas nur parto de la signifo de iuj o-vortoj. La finaĵo -o neniel esprimas sekson [...] Ekzistas en Esperanto tri signifoklasoj de vortoj por homoj kaj bestoj: sekse neŭtraj radikoj, virseksaj radikoj kaj inseksaj radikoj [...] Se la radiko estas vira, oni devas aldoni -in/, kiam temas pri ino: ŝi estas reĝino. Ĉe neŭtra radiko oni povas aldoni -in/, se oni volas klare montri, ke temas pri ino, sed tio ne estas deviga: ŝi estas aktor(in)o. Se jam la radiko estas ina, oni kompreneble ne aldonu -in/: ŝi estas mia muzo [...] Plej ofte oni rutine aldonas la sufikson -in/ al neŭtraj vortoj, se oni parolas pri ino, kvankam tio principe ne necesas. Oni do tute rajtas diri ekzemple ŝi estas ŝoforo, ĉar la radiko ŝofor/ per si mem estas neŭtra [2].
1. Spomenka Ŝtimec: Hejmo en Mezeŭropo, Monato, jaro 1996a, numero 1a, p. 20a
2. Bertilo Wennergren: Plena Manlibro de Esperanta Gramatiko, § 4.2 seksa signifo de o-vortoj
angle:
she
beloruse:
яна
bulgare:
тя
ĉine:
她 [tā]
finne:
hän (naispuolinen), tuo nainen, tuo tyttö
france:
elle
germane:
sie (weibliche Person) [ina persono; ingenra objekto]
greke:
αυτή, εκεινή
hebree:
היא
hispane:
ella
hungare:
ő (nőnemű)
ide:
elu, el
indonezie:
dia (perempuan)
itale:
ella, lei
japane:
彼女 [かのじょ] (代名詞)
nederlande:
zij
okcidentfrise:
sy
pole:
ona
portugale:
ela
ruse:
она
svede:
hon
tibete:
མོ་, ཁོང་
tokipone:
ona, meli ni
volapuke:
of

*ŝia [3]

Posedata de ŝi, rilata al ŝi: la reĝino kaj ŝia familio signifas malpopularan anakronismon[4].
3. L. L. Zamenhof: Fundamento de Esperanto, Universala Vortaro, ŝi'a
4. W. H. Simcock: Nova registaro, malnova politiko, Monato, jaro 1998a, numero 7a, p. 9a
angle:
her
beloruse:
яе (чый?)
ĉine:
她的 [tāde]
finne:
hänen, hänen -nsa (-nsä)
france:
sa (à elle), son (à elle)
germane:
ihr
hebree:
שלה
hungare:
ővé(nőnemű)
ide:
elua
indonezie:
miliknya (perempuan)
itale:
suo (di lei)
japane:
彼女の [かのじょの]
nederlande:
haar
okcidentfrise:
har
pole:
jej
ruse:
её(чей?)
svede:
hennes
tokipone:
ona, pi meli ni
volapuke:
ofik, ofa

administraj notoj