*verd/a FK

*verda   Vikipedio

1.  
Samkolora kiel foliaro, herbo ktp: verda herbaĵo [1]; verdaj poploj [2]; podio el verda, blanka, flava, kaj nigra marmoro [3]; en la rivereto kreskis tre multe da akvolilioj kun siaj larĝaj verdaj folioj [4]; eĉ ŝtono verdiĝas (pro musko), se ĝi longe ne moviĝas PrV ; la lasta strofo de „La preĝo sub la verda standardo“ [5]; [ili] ĵuris je mil verdaj steloj [6].
2.
(figure) Rilata al verduloj; verdula: verda parlamentanino [7]; la partioj konsistas el dekstra, centra, maldekstra kaj verda grupoj [8].
angle:
green
beloruse:
зялёны
bulgare:
зелен
ĉeĥe:
zelený
ĉine:
绿 [lǜ]
france:
vert (adj.)
germane:
grün
greke:
πράσινος
hispane:
verde
hungare:
zöld
indonezie:
hijau
itale:
verde
katalune:
verd (adj.)
latinece:
viridis
nederlande:
groen
pole:
zielony
portugale:
verde
ruse:
зелёный
slovake:
zelený
svede:
grön
turke:
yeşil
volapuke:
glünik

verdi Vikipedio

(ntr)
Esti verda: ĉirkaŭe verdis bela herbejo, kovrita de primoloj [9]; [sur kampoj] verdis la lino, tritiko, trifolio [10]; sekiĝis herbero kaj mortis, velkis pro vintra la frosto ĝia verdanta folio FK ; nokte la stratlampo brilas kaj varmigas la branĉojn, tial ili ankoraŭ verdis [11].
beloruse:
зелянець (быць зялёным)
ĉeĥe:
zelenat se
france:
verdoyer
hungare:
zöldell
indonezie:
menghijau
itale:
verdeggiare
katalune:
verdejar
latinece:
vireo
pole:
zielenić się
ruse:
зеленеть (быть зелёным)
slovake:
zazelenať (sa), zelenať sa

verdo   Vikipedio

Verda koloro: la arbaro ricevis la plej belajn kolorojn de ruĝo, flavo kaj verdo [12]; belkoloraj tapiŝoj, pendantaj sur la muroj, karesis la rigardon per ruĝo de rozoj kaj verdo de herbo Marta .
bulgare:
зелено
ĉeĥe:
zeleň
france:
vert (subst.)
germane:
Grün
hungare:
zöld szín
itale:
verde (sost.)
katalune:
verd (subst.)
kurde:
kesk
latinece:
viride
pole:
zieleń
ruse:
зелень (цвет)
slovake:
zeleň (farba)

verdaĵo

Io verda, aparte kunaĵo de kreskaĵoj: kreskigu la tero verdaĵon, herbon, kiu naskas semon [13]; restis nenia verdaĵo sur la arboj [14]; kiel pluvego sur verdaĵon [15]; ili eliris sur la kampon, por kolekti verdaĵon [16]; kovritaj de velurmola verdaĵo, en kiu svarmis amasego da floraĵoj [17].
germane:
Grünes, Grünzeug

verdulo Vikipedio

1.
(komune) Homo iel rilata al la verda koloro, ekzemple portanto de verda ĉemizo aŭ uniformo: en densiĝinta mallumo jam grimpas al la barikado ŝtelirantaj ĉenoj de la verduloj (t.e. soldatoj) Metrop ; „Kaj al kiu partio en la hipodromo vi apartenas?“ ― „Al la Verduloj.“ (temas pri unu el la kvar cirkaj partioj en Romio kaj poste en Bizancio) [18].
2.
ESP Fervora ano de la esperantista movado: li (Chen Yuan) estis unu el la respondeculoj de la Esperanta societo „Verduloj“ de la Universitato Sun Yatsen de Kantono [19]; en 1986 Flandra E-Ligo faris la unuan firman paŝon antaŭen por renovigi la bildon pri Esperanto, fuŝitan de la diletanta propagando de „verduloj“ [20].
3.  
POL Ano de politika movado, kiu emfazas protektadon de natura medio kontraŭ industriaj damaĝadoj: la verduloj postulis, ke oni enkonduku specialan imposton sur tiuj produktoj, kiuj ŝarĝas la medion [21].
18. H. Sienkewicz, trad. L. Zamenhof: Quo vadis?, 1933
19. Tan Xiuzhu: Karmemore al s-ro Chen Yuan
20. Á. Rátkai: Simbolo: La stelo kaj la flago, Esperanto, 1994-05
21. G. Van Damme: Trinkaĵoj/Uzi la leĝon por reklami, Monato, 1995:12, p. 12a
france:
3. écologiste (subst. politique), vert (subst. politique)
germane:
3. Grüner
hungare:
3. zöldpárti
itale:
1. (camicia) verde 2. verde (attivista esperantista), attivista esperantista 3. verde (pol.)
katalune:
1. vers (subst. facció) 2. esperantista 3. verd (subst. pol.)
pole:
3. zielony (pot.), obrońca środowiska, obrońca praw przyrody
ruse:
зелёный (в знач. сущ.)

ĉiamverda

BOT Tia vegetaĵo, kies folioj aŭ pingloj kreskas kaj forfalas kontinue tra pli ol unujara periodo (tipe dum 3 – 11 jaroj): falfoliaj kaj ĉiamverdaj arboj [22]; ĉiamverda arbaro; ĉiamverda […] kaj plej ofte dornohava eleagno [23].
angle:
evergreen
france:
à feuilles persistantes
germane:
immergrün
itale:
sempreverde (agg.)
katalune:
de fulla perenne
pole:
wiecznie zielony
ruse:
вечнозелёный

administraj notoj