tradukoj: bg cs en fa fr nl pl sk

plankton/o SPV

planktono  

BIO Tre malgrandaj vegetaĵoj kaj bestoj, libere flosantaj en maro, nutraĵo de cetacoj kaj pli grandaj fiŝoj: kankretoj naĝas kiel granda reto, kaj per haretkovritaj kruroj elkaptas ĉian pli-malpli grandan planktonon [1]; tie vivas 167 specioj da fiŝoj, 231 specoj da planktonoj [2].

Rim.: La vorto aperas ununombre, kiel sablo, akvo aŭ alia nenombreblaĵo, ankaŭ plurnombre pro la pluraj specoj de vivuloj, kiujn ĝi entenas.

besta planktono, animala planktono  

BIO Parto de la planktono konsistanta el bestetoj ŝvebe vivantaj en akvo; zooplanktono: tie povas polusaj gadoj trovi riĉan oferton da besta planktono [3].

vegetaĵa planktono[4], vegetala planktono  

BIO Parto de la planktono konsistanta el multspecaj vegetaĵetoj ŝvebe vivantaj en la supra parto de akvejoj; fitoplanktono: en la surfacaj akvoj, kien alvenas lumo, abundas la vegetala planktono, kiu konsumas salojn kiel la fosfatojn kaj nitratojn [5].

tradukoj

anglaj

~o: plankton; besta ~o, animala ~o: zooplankton; vegetaĵa ~o, vegetala ~o: phytoplankton.

bulgaraj

~o: планктон; besta ~o, animala ~o: зоопланктон; vegetaĵa ~o, vegetala ~o: фитопланктон.

ĉeĥaj

~o: plankton, vodní organismy.

francaj

~o: plancton; besta ~o, animala ~o: zooplancton; vegetaĵa ~o, vegetala ~o: phytoplancton.

nederlandaj

~o: plankton; besta ~o, animala ~o: zoöplankton; vegetaĵa ~o, vegetala ~o: fytoplankton.

persaj

~o: پلانکتون.

polaj

~o: plankton.

slovakaj

~o: planktón.

fontoj

1. P. Volkov, trad. Hamstro: Vojaĝo en Neocenon, 2005-08
2. Ĉina Interreta Informa Centro: Marĉo ĉe Ŝanhajo, [vidita je 2006-06-29]
3. Vikipedio, Polusa gado, 2013-04-05
4. T. Flores: Dicionário Português-Esperanto / Esperanto-Português, [2015]
5. Vikipedio, Sargasa Maro, 2015-03-17


ℛevo | datumprotekto | plankton.xml | redakti... | traduki... | artikolversio: 1.8 2015/07/27 14:10:16