^*apenaŭ ^PV

A.

(adv.)

1.

Ne pli multe ol: tiaj malgrandaj insektoj […] havas apenaŭ la longecon de duono da centimetro ^FK ; apenaŭ centon povus vi kalkuli ^Hamlet ; la suno lumas ĉiutage apenaŭ kelke da horoj ^Marta ; tiu laboristino havis la aĝon de apenaŭ dudek-ses jaroj ^Marta .

2.  ↝

Preskaŭ ne: li apenaŭ povas spiri ^FK ; apenaŭ rimarkebla nuanco en la elparolado ^FK ; la pezeco de la palpebroj, tage apenaŭ rimarkebla, vespere estas tiel granda, ke al la pacientoj estas tre malfacile teni la okulojn nefermitaj ^FK ; ventego apenaŭ ne (do preskaŭ) dronigis la ŝipojn ^FK .

3.  ↝

Tute ĵuse: apenaŭ estis fondita la Libera Ŝtato, kiam eksplodis enlanda milito [1]; mi apenaŭ komencis ricevadi denove kelkajn fortojn post malfacila malsano, kiam oni [sciigis] al mi, ke mia unuenaskita filo mortis [2].

B.

(subordiga konjunkcio)

4.  ↝

Tuj post kiam, tuj de kiam: apenaŭ ŝia patrino ŝin rimarkis, ŝi kriis [3]; apenaŭ ŝi venis al la fonto, ŝi vidis unu sinjorinon, tre riĉe vestitan [4]; apenaŭ Jakob eliris […], lia frato Esav venis de sia ĉasado [5]; apenaŭ ĝi ekfloris, tuj aperis sur ĝi beraroj [6]; apenaŭ li eniris iom en la profundaĵon de la arbaro, li baldaŭ […] perdas la vojon ^FK .

Preskaŭ nenia, tre tre malgranda: vigla ekonomio kaj […] apenaŭa senlaboreco [7]; ĉi antaŭparolo alportos utilon apenaŭan [8]; la influoj de la araba kaj la persa estas apenaŭaj kaj ĉefe ricevitaj pere de la najbara tatara lingvo [9].