erozi/i PV , erod/i SPV

erozii, erodi

(tr)
1.
GEOL Nature iom post iom foruzi, skrapi, supraĵe difekti: mi rigardis vulkanajn insulojn, kiuj estis eroziitaj de ondoj [1]; kelkaj vulkanoj, malaktivaj kaj ege eroziitaj, superregas la pejzaĝon [2]; la plej bonaj el [la domoj] aspektis malnovaj kaj iomete eroditaj de la vetero [3]. VD:abrazii, korodi
2.
(figure) Iom post iom degradi, disfaligi: [troa montriĝemo] baldaŭ erodis lian aŭtoritaton kaj transformis lin en lian propran karikaturon [4]; la merkataj fortoj […] komencas erozii la potencon de la ŝtato [5]. SIN:degenerigi, dekadencigi
1. Ĉarlz Darvin, trad. Klivo Lendon: La Origino de Specioj, ĉapitro 9a
2. Monato, Walter Klag: Iamaj vulkanoj, iama maro, ĉe nuna montaro, 2014
3. L. Frank Baum, trad. D. Broadribb: Doroteo kaj la Sorĉisto en Oz, Mirinda eskapo
4. Diversaj aŭtoroj: Le Monde diplomatique en Esperanto 2011-2013, Elektado en Francio
5. Diversaj aŭtoroj: Le Monde diplomatique en Esperanto 2002-2004, Logikoj de milito ― Partio, klanoj kaj triboj, la fragila ekvilibro de la iraka reĝimo
angle:
erode
beloruse:
эразіраваць, размываць
bulgare:
еродирам
ĉeĥe:
erodovat, odnášet půdu, rozmělňovat, roztírat, vymlít, vymílat
france:
éroder
germane:
(etwas) erodieren, abtragen, auswaschen, abschwemmen 2. zersetzen
hispane:
erosionar
hungare:
erodál, lehord, lepusztít
katalune:
erosionar
nederlande:
eroderen
perse:
فرسودن
pole:
erodować
portugale:
desgastar, esmerilar, erodir
ruse:
размывать
slovake:
erodovať, odnášať pôdu, rozrývať
svede:
erodera (något)

erozio, erodo

GEOL Geologia difektiĝo de la grundo, kaŭzata akvo, glacio, vento ktp: ĉiuformaj rokaĵoj, kreitaj el la erozio de sabloŝtonaj tavoloj [6]; ŝtonkolonoj ekestis sekve de erozio sur tereno de malkompakta grundo [7]; tia briko enhavas truetojn, povas suĉi akvon kaj ne estas rezistokapabla kontraŭ erozio [8]. VD:aluvio1
6. Monato, Franz-Georg Rössler: Palatinata rokolando, 2015
7. Monato, Dimitrije Janičić: Diabla urbeto, 2008
8. Monato, Walter Klag: Briko-muzeo, 2013
angle:
erosion
beloruse:
эрозія
bulgare:
ерозия
ĉeĥe:
eroze, vymílání
france:
érosion
germane:
Erosion, Verwitterung, Abschwemmung, Abtragung
hebree:
שחיקה, בליה
hispane:
eroción
hungare:
erózió, lehordás, lepusztulás
katalune:
erosió
nederlande:
erosie
perse:
فرسایش
pole:
erozja
portugale:
erosão
ruse:
эрозия
slovake:
erózia, vymieľanie
svede:
erosion

eroziiĝi, erodiĝi

(ntr)
Foruziĝi, triviĝi: la militŝipoj daŭre ekzercis sin per pafado al imagataj malamikoj, kaj ĉiufoje la paftuboj de la kanonoj iom erodiĝis [9]; (figure) en Britio […] erodiĝas jaroj da pena laboro por starigi harmoniajn rilatojn inter etnaj kaj religiaj malplimultoj [10].
9. T. Steele: Konvinka Kamuflaĵo, 2014
10. Monato, Paul Gubbins: Faktoj kaj famoj, 2006
beloruse:
размывацца, выветрывацца, парахнець
france:
s'éroder
germane:
verwittern, erodieren, sich zersetzen

administraj notoj

pri erozi/i , erod/i : 
  Ĉu ne ekzistas senco MED?
  [MB]