handikap/i

handikapi  

(tr)
Doni malavantaĝon; malhelpi: ĝuste la ortografio, la komplikeco de la vortaro kaj disleksio handikapas [1]; Valonio estas ekonomia dezerto, pezo, kiu handikapas Flandrion [2]; infanoj vidhandikapitaj [3]; studentoj […] psike aŭ korpe handikapitaj [4]; juna knabino, mense handikapita [5]; la Specialaj Olimpikoj, en kiuj mense handikapitaj atletoj el multaj landoj montris siajn kapablojn [6].
ĉeĥe:
handicapovat, hendikepovat
france:
handicaper, désavantager
germane:
behindern, benachteiligen
hispane:
tener una desventaja, tener un handicap
pole:
dawać fory
slovake:
handicapovať

handikapo   Vikipedio

Malavantaĝo, malhelpo: sian handikapon li priskribis kiel „duoblan ĉinan muron”, sed, por venki sian embarason koncerne komunikadon, li evoluigis propran mansignolingvon [7]; disleksio neniel estas humuraĵo, sed grava handikapo en la nuna socio [8]; laŭ la konstitucio […] neniu povas esti malhelpata aŭ preferata pro sekso, deveno, raso, lingvo, religio aŭ handikapo [9]; superi […] handikapon [10].
ĉeĥe:
invalidita, tělesné postižení
france:
handicap
germane:
Behinderung, Benachteiligung, Handicap
hispane:
handicap
pole:
handikap, fory
slovake:
invalidita, telesné postihnutie

handikapito, handikapulo   Vikipedio

MEDPOL
Tiu, kiu havas malavantaĝon, aparte tiu, kiu pro psika aŭ korpa malhelpo malfacile povas plenumi normalajn aktivaĵojn: rajtoj de handikapitoj [11]; lernejoj […] por handikapitoj [12]; asocio por vidhandikapitoj [13]; la surdularo, […] indigne kontestas tion, ke ili estas handikapuloj, kaj reklamas la rajton uzi sian propran lingvon aŭ lingvojn [14]; li renkontiĝis kun 200 blinduloj, surduloj, mense handikapitoj kaj homoj en rulseĝoj […], la papo dum plurjara suferado pro la parkinsona malsano […] estis mem handikapito [15]. SUB:invalido
germane:
Behinderter

administraj notoj