1invalid/o

invalido   Vikipedio

Homo daŭre ne kapabla plenumi sian profesian aŭ ian ajn laboron (servon, oficon) pro kripleco, sekve de malsano aŭ denaska difekto: invalidoj, vidvinoj kaj orfoj de l' oficiroj postulis pension [1]; krom tio mi prelegis pri Esperanto en la urba societo de invalidoj [2]; ĝi puŝas min kiel invalidon en rulseĝo [3]; la tombo de Napoleono en la pariza Domo de la Invalidoj; internaj dokumentoj de la Administracio por Veteranaj Aferoj taksas, ke la kosto pro militistaj invalidoj post 25 jaroj kreskos de nunaj 29 miliardoj da dolaroj ĝis 59 miliardoj. [4]; profesoro Hawking estas tiel vigla kaj energia dum siaj disputoj, ke ni eĉ forgesas, ke li estas ega invalido [5]. SIN:kriplulo. VD:emerito, pensiulo, veterano
Rim.: Kompare kun la objektive-medicina vorto kriplulo, „invalido“ pli ofte implicas socian aspekton (jure konstatita invalideco kiu eventuale rajtigas onin je pensio aŭ alia socia helpo). [Sergio Pokrovskij]
1. B. Prus, trad. Kazimierz Bein: La Faraono, vol. 1, ĉap. 18a.
2. S. Manzurov: Modesta rezulto, La Ondo de Esperanto, N-ro 55 (1999:5)
3. S. Ŝtimec: Ombro sur interna pejzaĝo
4. Roland THIBAULT: Nombro de militistaj invalidoj kreskas, Monato, 2008/10, p. 16
5. Monato, Vladimir Lemelev: Laŭdo de moderna superhomo
angle:
invalid, disabled person
beloruse:
інвалід
ĉeĥe:
invalida, tělesně postižený
france:
invalide Domo de la I~oj: Hôtel national des Invalides
germane:
Invalide Domo de la I~oj: Invalidendom
hispane:
inválido
hungare:
rokkant
nederlande:
invalide
portugale:
inválido (subst.)
ruse:
инвалид Domo de la I~oj: Дом инвалидов
slovake:
telesne postihnutý

invalideco

Stato de invalido: asekuro kontraŭ invalideco; ĉu la Registra Instanco povus akcepti la petskribon pri la esperanta civitaneco fare de persono oficiale agnoskita kiel psike malsana, t.e. ricevanta monatan pension de la ŝtato pro mensa invalideco? [6]; milionoj da homoj vivas nun en pli aŭ malpli konstanta invalideco aŭ duoninvalideco laŭ la graveco de la malsano [7].
angle:
disability, infirmity
beloruse:
інваліднасьць
ĉeĥe:
invalidita, invalidnost, tělesné postižení
france:
invalidité
germane:
Invalidität
hispane:
invalidez
hungare:
rokkantság
nederlande:
invaliditeit
portugale:
invalidez
ruse:
инвалидность
slovake:
invalidita, telesné postihnutie

administraj notoj