*marŝ/i

*marŝi

(ntr)
1.
Iri orde, alcele, iom rapide, ofte vice en grupo: ili ne ekmarŝis ĝis la tago de ĝia leviĝo [1]; Abner kaj liaj viroj marŝis sur la ebenaĵo tiun tutan nokton kaj transiris Jordanon [2]; antaŭe marŝis tuta taĉmento da tamburistoj [3]; tra la stratoj marŝas infanoj en procesio kun kandeloj kaj flirtantaj standardoj [4]; ili tramarŝis pecon de la vojo, subite bovino komencis bleki [5].
2.
Paŝi: Dio la Eternulo […] marŝis en la ĝardeno dum la malvarmeto de la tago [6]; blinduloj vidas, lamuloj marŝas, lepruloj estas purigitaj, kaj surduloj aŭdas, mortintoj leviĝas, al malriĉuloj evangelio estas predikata [7]; sur la granda vojo marŝis soldato: unu, du! unu, du! [8]; li povis nek marŝi, nek spiri facile [9]; ĉu iu povas marŝi sur ardantaj karboj, ne bruligante siajn piedojn [10]?
angle:
1. march 2. walk
beloruse:
1. маршаваць 2. крочыць, ступаць, хадзіць
bretone:
bale (v.)
ĉeĥe:
pochodovat
france:
marcher
germane:
marschieren, laufen, wandern
hebree:
ללכת \הולך\
hispane:
1. marchar 2. caminar
hungare:
1. menetel, masíroz 2. gyalogol, megy
kurde:
2. rê ve çûn, meşîn
nederlande:
1. marcheren 2. stappen, lopen
pole:
maszerować
portugale:
1. marchar (mil.) 2. caminhar, marchar
rumane:
mărșui
ruse:
1. маршировать 2. ходить, шагать
svede:
1. marschera, tåga 2. stega
tibete:
ཁྲོམ་བསྐོར་བྱེད་

marŝ'!

Militista komando: ekmarŝu, ek: scioj estis instruataj al li sub la konstantaj komandoj: Marŝ'! Halt'! Front'! [11]; Marto, marŝ'! ekkriis la kvara kaj donis puŝon al sia antaŭirinto [12].
beloruse:
марш!, кроч!, крокам руш!
germane:
Marsch!
pole:
marsz!
rumane:
marş!

marŝo

1.
Ago marŝi: militista, procesia, peniga marŝo; solena […] marŝo Ifigenio ; la reĝo iris en parada marŝo sub la belega baldakeno [13]; ili devis […] konstrui alte vojojn por la militistaroj, kiuj devis fari siajn marŝojn en ĉiuj sezonoj [14]; post du aŭ maksimume tri tagmarŝoj oni povus atingi ĝin [15]; ili sukcese plenumos la marŝekzerciĝojn [16]!
2.
MUZ Muzikaĵo akompananta kaj reguliganta la paŝadon: funebra marŝo; Radecki-Marŝo[n], verko 228, […] ludas ĉiujare la Viena Filharmonia Orkestro kiel lastan muzikpecon en la Viena Novjara Koncerto [17]; la naciaj himnoj estas komponitaj en la stilo marŝa aŭ himna [18].
13. H. C. Andersen, trad. L. L. Zamenhof: Fabeloj, vol. 1, La novaj vestoj de la reĝo
14. B. Prus, trad. Kazimierz Bein: La Faraono, vol. 1, Antaŭparolo
15. Michael Ende, trad. Wolfram Diestel: La Senĉesa Rakonto, La Batalo je la Ebura Turo
16. H. C. Andersen, trad. L. L. Zamenhof: Fabeloj, vol. 4, Filino de la marĉa reĝo
17. Vikipedio, Johann Strauß (patro)
18. Vikipedio, Nacia himno
beloruse:
марш
bretone:
1. bale (ak.) 2. ton-bale
france:
1. marche (déplacement) 2. marche (musicale)
germane:
Marsch
hispane:
marcha
hungare:
1. menet(elés), masírozás funebra ~o: gyászmenet 2. induló, mars
nederlande:
mars
pole:
marsz
portugale:
1. marcha (mil.) 2. marcha (mús.)
rumane:
marş
ruse:
марш
svede:
marsch

bastonmarŝado

SPO Sporta aŭ hobia aktiveco en kiu individue aŭ grupe oni piediras helpe de du specialaj bastonoj: lernu uzi la bastonojn ankaŭ por gimnastiko post bastonmarŝo [19]; Nordia bastonmarŝado, internacie konata sub la anglalingva nomo Nordic Walking, tre populariĝis dum la lastaj 4-5 jaroj en la tuta mondo [20].
angle:
Nordic Walking
beloruse:
скандынаўская хадзьба
france:
marche nordique
germane:
Nordic Walking
pole:
nordic walking (marsz z kijkami)
rumane:
nordic walking

administraj notoj