*sigel/i

*sigeli  

(tr)
1.  
Marki per almeto aŭ surmeto de sigelo: ŝi skribis leterojn en la nomo de Aĥab kaj sigelis per lia sigelilo [1]; tio estis skribita kaj sigelita per la ringo de la reĝo [2].
2.
(figure) Certe konfirmi kaj definitivigi kvazaŭ per sigelo: tiu kontrakto sigelis la interligon, la amikecon; tiam sigeliĝis lia sorto.
3.
(figure) Certe fermi kvazaŭ per sigelo: fonto ŝlosita, puto sigelita [3]; mia buŝo estis sigelita per mia promeso.
angle:
1. to seal, to set one's seal to, to stamp, to mark 2. to seal, to stamp 3. to seal
ĉeĥe:
opatřit pečetí, pečetit, zapečetit
france:
cacheter, sceller
germane:
versiegeln, besiegeln
hispane:
sellar (sobre cera)
hungare:
lepecsétel, megpecsétel
nederlande:
verzegelen
pole:
pieczętować, opatrzyć pieczęcią
portugale:
selar
ruse:
отметить (каким-л.. признаком), припечатать, заклеймить (перен.) 1. поставить печать, скрепить печатью, запечатать 2. скрепить печатью 3. запечатать, опечатать
slovake:
zapečatiť

sigelo   Vikipedio

1.  
TIP Signo enpremita en moligitan substancon.
a)
Por certe konfirmi kaj aŭtentigi dokumenton aŭ por sankcii kaj definitivigi kontrakton: la vortoj de libro sigelita [4]; (figure) la sigelo ne estas ankoraŭ metita PrV (la afero ne estas finita).
b)  
Por certigi la fermitecon de koverto aŭ por distingige indiki la aŭtoron: mi metos en la nomo de mia sinjoro sigelon sur la traktato [5]; venis al Konstanco nova petletero kun sigeloj de 250 ĉeĥaj nobeloj, ke Hus estu denove liberigita [6].
VD:stampo1
2.
(figure) Certigilo, konfirmilo: tio metis la sigelon al lia gloro.
3.
(figure) Certa fermilo: [li] klarigis al [li tion], sub sigelo de la plej granda sekreto kaj kun pruvoj en la mano [7]; mi havas grandan sigelon sur la lipoj [8].
4.
(malofte) (figure) Distingilo: konservu min kiel sigelon en via koro [9]; sigelo de perfekteco, plena de saĝo [10]; li ricevis la signon de cirkumcido, kiel sigelon de la virto [11]; sur ĉio kuŝis la sigelo de malriĉeco FK .
angle:
seal
ĉeĥe:
pečetní prsten, sekret, sekrét
france:
scellé, sceau
germane:
Siegel
hispane:
sello (como el de las cartas medievales)
hungare:
pecsét
nederlande:
zegel
pole:
pieczęć
portugale:
selo, sinete
ruse:
печать
slovake:
pečatný prsteň

sigelilo, sigelringo  

Gravurita peco, per kiu oni premas sian signon en sigelon: rekonu, al kiu apartenas la sigelilo [12]; sigelringo sur mia dekstra mano [13]; gravuritaj sigelile, ĉiu kun sia nomo [14].
VD:stampilo
germane:
Siegelstempel, Siegelring

administraj notoj