²sintez/o ^PV

1.

(komune) Kunigo de pluraj elementoj al novspeca unuo: tiu unusola frazo estas la kompakta sintezo de dekoj da demandoj [1]; en Sicilio oni parolis la grekan lingvon de tipo doria kaj la komunan koinê, kiu siavice estis […] sintezo de atikaj kaj ioniaj lingvoj ^Ret ; la libro […]estas kvazaŭ sintezo de pli-malpli ĉio grava aperinta pri la historio de Esperanto precipe en la [lastaj] jardekoj [2]; la unua enketo pri eksterteranoj estis simpla sintezo de tio, kion multaj homoj asertis ^ChV ; konservi la sintezon inter kulturo kaj kredo [3]; vidante la pasintan jarmilon plena de malakordoj, disiĝoj, militoj kaj malamikeco, ni vidas nun ĉie strebadon pri sintezo, proksimiĝado kaj unuigado [4]. analizo

2.

(en dialektiko) Forigo de la konflikto inter tezo kaj kontraŭtezo: la tezoj, antitezoj kaj sintezoj estas faritaj de homoj, kiel diris Lenino, de „la utilaj idiotoj“ [5].

3.

Kreado de malsimpla kombinaĵo el unuopaj elementoj aŭ simplaj kombinaĵoj: sinteza rezino [6]; fotosintezo [7]; tiu enzimo utilas por la hepata sintezo de kolesterolo [8]; por la sintezo de proteinoj el aminoacidoj necesas transdono de gena informado, kodita en molekuloj de DNA kaj RNA [9].

(tr)

Sinteze fari tutaĵon el diversaj elementoj: sintezi tradiciojn de la lando [10]; la EU-membroŝtatoj devos interkonsenti pri la teksto de konstitucio, kiu sintezu la regularojn kaj traktatojn de la unio [11]; la Fundamento de Esperanto [prezentas] fidindan kaj tre interesan legaĵon por personoj lingvemaj, kiuj ŝatus konatiĝi kun la reala Esperanto per ĝia sintezita priskribo [12]; oni daŭrigas diri, ke la angla estas pli rapida, pli sinteza, pli taŭga al la komunikado ol la itala, lingvo kompleksa [13]; antibiotikoj trovataj aŭ sintezataj […] povis iom efiki kontraŭ la lepra bacilo [14]. kombini, komponi

^RokPop

Aparato, muzikinstrumento, kiu kreas sonojn per kombino kaj modifo de elektre estigitaj sonondoj: junulina seskapa kantgrupo akompanata de sintezilo kaj flutkvarteto prezentis tradiciajn kristnaskajn kantojn [15]; sintezila muziko ripete sed bone farita [16]; iom ĝena tamen estas la tro stereotipa aŭtomata akompanado helpe de modernaj teknikaĵoj, ne muzikiloj sed sonsinteziloj [17]; la eminenta profesoro Stephen Hawking […] pro grava malsano povas komunikiĝi kun aliaj homoj […] nur helpe de speciale komputila parolsintezilo [18].

(malofte) Fotosintezo: la karbonhidratoj aŭ celulozecaj aŭ aliaj energiliveraj materialoj lumsinteze produktitaj, dum paso de tempo malkombiniĝas kaj oksidiĝas [19].