tradukoj: be ca cs de en es fa fr hu nl pl ru sk sv

1barbar/o

barbaro

1.
Fremdulo, ofte rigardata kiel necivilizita homo: se do mi ne scios la signifon de la voĉo, mi estos, rilate la parolanton, barbaro, kaj la parolanto estos por mi barbaro [1]; la barbaroj montris al ni neordinaran bonecon, ĉar ili ekbruligis fajron kaj akceptis nin ĉiujn pro la tiama pluvo kaj pro la malvarmeco [2]; barbaroj invadis Eŭropon dum la 5a jarcento; kiam en la centra Eŭropo la barbaroj vestitaj per maldelikataj feloj sin kaŝis en kavernoj, Egipto jam posedis altan socian organizon [3]; senĉese ankaŭ kreskis de la alfluo de Sardanoj (Sardinianoj) kaj Ŝakaluŝoj (Sicilianoj), kiuj en tiu epoko estis ankoraŭ pli grandaj barbaroj kaj rabistoj, ol la enlandaj Libianoj [4]; la banditoj kaj barbaroj ĉiam estis pretaj al la atako [5]; la ĉina civilizo estis konstante minacata de ĉirkaŭaj barbaroj, simile kiel estis la roma imperio fare de ĝermanoj, kaj mezepokaj okcident-eŭropaj reĝlandoj fare de la normanoj [6].
2.  
(figure) Kruelulo, senkompatulo: leginte la regulojn por buĉado de bovino (19, 1-10), mi ne povis ne noti marĝene: „Kiaj barbaroj!“ [7].

barbara  

Fremda kaj necivilizita1, kruda, maldelikata: barbara lingvo, konduto, ago, kutimoj; la barbaraj soldatoj […] revenante en sian patrujon en la komenco petis almozon, poste ŝtelis kaj fine komencis rabi kaj bruligi [8]; eksonis trumpetoj, fajfiloj, kaj malbenoj de la barbaraj oficiroj, penantaj fari ordon [9]; la tempoj barbaraj, kiam ekzistis nur rajto de pugno kaj glavo [10]; popolo kruda kaj barbara Ifigenio . VD:malhumana, sovaĝa

barbaraĵo

Barbara ago: laŭ la leĝoj de la vera moralo ĉiuj homoj havas egalajn rajtojn pri la lando de ilia naskiĝo tiel same, kiel ĉiuj infanoj havas egalajn rajtojn pri sia patrino, kaj ĉia alia parolado estas barbaraĵo [11]; tiajn barbaraĵojn usona tribunalo punas per nur unujara malliberigo […] ĉu tiom milda puno estas konvena [12].

barbareco  

Eco de iu aŭ io barbara: ĉian ofendadon aŭ persekutadon de homo por tio, ke li naskiĝis de alia gento, kun alia lingvo aŭ religio ol mi, mi rigardas kiel barbarecon [13]; la akirado de viando estas neebla sen barbareco FK ; Asirianoj, malgraŭ la barbareco, ne estas malbonaj homoj [14].

barbarismo  

Barbara ideologio, sinteno, agado: la milito por la plej multaj el ili estas ankoraŭ pura krucmilito kontraŭ barbarismo, kontraŭ perfortanto de malfortuloj [15]; [ili] vidis en la eŭropa kulturo nur rimedon por la milito, tiel ke la psika bazo de la azia barbarismo restas [16]; iom post iom, la civilizacio transformiĝas en barbarismon kaj sovaĝecon [17].
Rim.: Ekzistas ankaŭ gramatika termino barbarismo.

tradukoj

anglaj

~o: barbarian; ~a: barbaric; ~aĵo: barbarity; ~eco: barbarism.

belorusaj

~o: барбар; ~a: барбарскі; ~aĵo: барбарства.

ĉeĥaj

~o: barbar, primitiv; ~a: barbarský, surový (surovec); ~eco: barbarství (vlastnost).

francaj

~o: barbare (subst.); ~a: barbare (adj.); ~aĵo: acte de barbarie; ~eco: barbarie; ~ismo : barbarie.

germanaj

~o 1.: Wilder, Barbar; ~o 2.: Rohling, Wüstling, grausamer Mensch; ~a: wild, roh, barbarisch; ~aĵo: Barbarei, Rohheit, grausame Taten; ~eco: Wildheit, Rohheit, Barbarentum; ~ismo: Barbarei.

hispanaj

~o: bárbaro; ~a: bárbaro; ~aĵo: barbaridad; ~eco: barbaridad.

hungaraj

~o: barbár; ~a: barbár; ~aĵo: barbár cselekedet; ~eco: barbárság.

katalunaj

~o: bàrbar (subst.); ~a: bàrbar (adj.); ~aĵo: barbaritat; ~eco: barbàrie.

nederlandaj

~o: barbaar; ~a: barbaars; ~aĵo: iets barbaars; ~eco: barbaarsheid.

persaj

~a: وحشی، بی‌فرهنگ; ~eco: بربریت، وحشی‌گری، توحش، جاهلیت.

polaj

~o 1.: barbarzyńca; ~o 2.: barbarzyńca; ~a: barbarzyński; ~aĵo: barbarzyństwo; ~eco: barbarzyństwo.

rusaj

~o: варвар; ~a: варварский; ~aĵo: варварство, варварский поступок; ~eco: варварство.

slovakaj

~o: barbar, nevzdelanec, surovec; ~a: barbarský, surový; ~aĵo: barbarstvo; ~eco: barbarskosť, barbarstvo (vlastnosť).

svedaj

~o: barbar; ~a: barbarisk.

fontoj

1. La Nova Testamento, I. Korintanoj 14:11
2. La Nova Testamento, La agoj 28:2
3. B. Prus, trad. Kazimierz Bein: La Faraono, vol. 1, antaŭparolo
4. B. Prus, trad. Kazimierz Bein: La Faraono, vol. 2, Ĉapitro XVII
5. B. Prus, trad. Kazimierz Bein: La Faraono, vol. 2, Ĉapitro XVII
6. Monato, La Manĉura: Formortanta lingvo de malplimulto en Ĉinio
7. Monato, Boris Kolker: Plia libro biblia
8. B. Prus, trad. Kazimierz Bein: La Faraono, vol. 2, Ĉapitro XV
9. B. Prus, trad. Kazimierz Bein: La Faraono, vol. 2, Ĉapitro XVIII
10. L. L. Zamenhof: Homaranismo, Dogmoj de Hilelismo
11. L. L. Zamenhof: Homaranismo, Pri la homaranismo
12. Monato, Stefan MAUL: Morala degenero
13. L. L. Zamenhof: Homaranismo, Dogmoj de Hilelismo
14. B. Prus, trad. Kazimierz Bein: La Faraono, vol. 2, Ĉapitro XI
15. J. Francis: La Granda Kaldrono, 1978
16. Monato, Yamasaki Seikô: Familia nomo
17. Monato, Garvan Makaj: Nigra apokalipso


ℛevo | datumprotekto | barbar.xml | redakti... | traduki... | artikolversio: 1.26 2018/05/07 19:10:16