tradukoj: cs de en es fr id it nl pl pt ru sk

1enket/o MT

enketo

1.
Juĝa aŭ oficiala esploro: se viro kuŝas kun […] sklavino, ordonita al viro […], tiam devas esti enketo, sed ili ne mortu, ĉar ŝi ne estis libera [1]; Nun malfermu, civitan', / De ekstere sonas peto, / La policokapitan' / Al vi venas por enketo [2]! prokuroroj kaj polico devis denove esplori la aferon, sed la rezulto estis same klara kaj evidenta kiel post la unua enketo [3].
2.  
Metoda esploro pri ia okazaĵo aŭ opinio: la rezultoj de la enketo certe ŝokis kaj instruistojn kaj gepatrojn [4]; la enketo atentigis ankaŭ, ke en Ĉinio inter la mortintoj pro fumado 45 % suferis pro kronika malsano ĉe pulmo, 15 % malsaniĝis je pulma kancero [5]; la enketinstituto Eurostat konstatas, ke ĝis 2025 la EU-loĝantaro kreskos nur iomete, kaj nur danke al enmigrado [6]. VD:opinisondo

enketi  

(x)
Enkete esplori: la polico nun enketas pri pliaj 140 eventuale suspektaj mortoj [7]; usonaj kaj koreaj sciencistoj enketis pri la influo de aermalpuraĵoj sur la pezon de koreaj beboj [8]; ja antaŭe lernejanoj seksumis: tiam, tamen, tio estis socie netolerebla kaj do neniu parolis, neniu prie enketis [9]; post vasta enketado inter religiuloj evidentiĝis ke ili ne esprimis malagrablajn sentojn rilate la virgulinon [10];

enketilo  

Demandilo, gvida dokumento por enketado: la eldonejo sendis malgrandan enketilon al 500 abonantoj [11]; ni preparis malgrandan enketilon, por ekscii ion pli pri la lernejaj rezultoj [12]; en la hoteloj de Vilnius estis disvastigitaj enketiloj, sur kiuj oni petis pritaksi la urbon je turisma vidpunkto [13].

enketisto  

Homo profesie komisiita por enketi: la enketistoj neas, ke estas iu rekta rilato inter tiu kazo kaj la Dutroux-afero[14]; 70-jaraĝa sinjorino, kiu rolis en la juĝejo kaj polica enketistejo kiel interpretistino de la bulgara [15]; tion kredas enketistoj, kiuj sondis opiniojn pri geedziĝo inter ĉirkaŭ 500 japanaj gefraŭloj [16].

opinienketo  

POL
Opinisondo: antaŭ jaro plej granda partio en la opinienketoj estis la Progresa Partio [17]; grava inform-esplora organizaĵo en Pekino faris opinienketon, por informiĝi, kiel peza estos tiu ŝarĝo [18]; la opinienketo de majo 1990 […] en Sarajevo kontraŭ la militdanĝero montris, ke ties popolo ne deziris la disiĝon [19].

tradukoj

anglaj

~o: inquiry, investigation, survey; ~i: make an inquiry, investigate, survey; ~isto: investigator, magistrate, coroner; opini~o: opinion survey.

ĉeĥaj

~o: anketa; ~i: dotazovat se (anketně), provádět anketu; ~ilo: anketní lístek.

francaj

~o 1.: investigation; ~o: enquête; ~i: enquêter; ~ilo : questionnaire d'enquête; ~isto: enquêteur, investigateur (subst.); opini~o: enquête d'opinion, sondage (enquête d'opinion).

germanaj

~o 1.: Ermittlung; ~o 2.: Erhebung, Umfrage; ~o: Untersuchung; ~i: erheben, ermitteln, untersuchen; ~ilo : Fragebogen; ~isto: Ermittler, Statistiker; opini~o: Meinungsumfrage.

hispanaj

~o 1.: investigación; ~o 2.: encuesta; ~o: investigación, encuesta; ~i: encuestar; ~ilo : cuestionario; ~isto: encuestador, investigador (subst.); opini~o: encuesta de opinión, sondeo (encuesta de opinión).

indoneziaj

~o 1.: investigasi; ~o 2.: angket.

italaj

~o: indagine, inchiesta; ~i: indagare; ~ilo : questionario; ~isto: investigatore, inquirente; opini~o: sondaggio d'opinione.

nederlandaj

~o: enquête; ~i: enquêteren; ~isto: enquêteur; opini~o: opiniepeiling.

polaj

~o 1.: śledztwo, dochodzenie; ~o 2.: ankieta; ~i: prowadzić śledztwo, prowadzić dochodzenie, przeprowadzać ankietę; ~ilo : ankieta (kwestionariusz), kwestionariusz; ~isto: śledczy, dochodzeniowiec, ankieter; opini~o: ankieta, sondaż, badanie opinii.

portugalaj

~o 1.: inquérito, investigação, sindicância.

rusaj

~o 1.: дознание, следствие; ~o 2.: расследование; ~i: расследовать.

slovakaj

~o: anketa; ~i: prevádzať anketu; ~ilo: anketový lístok.

fontoj

1. trad. L. L. Zamenhof: La Malnova Testamento, Levidoj 19:20
2. Raymond Schwartz: La Stranga Butiko, Ĉastemulino
3. S. Maul: Supraĵeco super ĉio, Monato, jaro 2001a, numero 5a, p. 5a
4. Monato, , Seksaj Rilatoj, 95/01
5. Mu Binghua: Mortintoj pro fumado, Monato, jaro 2000a, numero 3a, p. 21a
6. Monato, , Marko Naoki Lins: Ago pro aĝo, 2005
7. Monato, Paul GUBBINS: BRITIO: Doktoro Morto
8. P. S. Viana: Tro malpezaj beboj, Monato, jaro 2002a, numero 3a, p. 20a
9. Monato, , Seksaj Rilatoj, 95/01
10. Monato, , Malkopiilo, 93/10
11. Monato, , Paul Peeraerts: Statistiko, 2003
12. K. Van Damme: enketilo, soc.culture.esperanto, 2007-01-22
13. Monato, , Laimius Stražnickas: Turisma ŝoko, 2004
14. G. Van Damme: Tagluma koŝmaro, Monato, jaro 1996a, numero 11a, p. 14a
15. Monato, , Bardhyl Selimi: Juste interpreti ..., 2004
16. Monato, , Hori Jasuo/pg: Trezoro ĉiam pli aĝa, 2005
17. B. Hekland: Triumfas tedulo, Monato, jaro 2001a, numero 11a, p. 6a
18. Monato, , Mu Binghua: Pezaj enlandaj ŝarĝoj por la registaro, 2006
19. Monato, Reago: Eks-Jugoslavio: kiu kiun mistifikas?


ℛevo | datumprotekto | enket.xml | redakti... | traduki... | artikolversio: 1.21 2019/11/12 08:10:14