era/o PV

erao

1.
KAL Kronologia sistemo en kiu oni indikas la jarojn relative al iu fiksita komenca tempopunkto (epoko1); tempokalkulo, jarkalkulo: erao de la Olimpiadoj, de la fondo de Romo, de la Mondokreo; erao de l' Heĝiro; la klasika sanskrito estis studata de la hindaj lingvistoj, antaŭ ĉiuj de la fama Panini, kiu vivis en la kvara jarcento antaŭ nia erao [1]; la imperiestro Hongwu, la unua de la dinastio Ming, en la 14a jarcento […] dekretis, ke la nomo de la erao restu sama dum la regado de ĉiu monarĥo [2]; ĉirkaŭ la komenciĝo de la 4-a jarcento antaŭ nia erao sur la itala duoninsulo troviĝis almenaŭ tri ĉefaj italaj lingvogrupoj kun granda nombro da subgrupoj [3].
2.
(figure) La tempodaŭro al kiu oni aplikas la jarkalkulon laŭ erao1: la galla lingvo apartenis al la kelta familio kaj estis uzata en Gallio antaŭ la kristana erao [4]; li do decidis konstrui nederlandan vilaĝon apud la golfo Oomura, […] kie situis nederlanda konsulejo dum Edo-erao (1600-1868) [5]; post la fondiĝo de Ligo de Nacioj, […] kreskis la esperoj pri nova paca erao kaj kontentiga solvo de mondaj problemoj [6]; la bezonoj de la moderna homo en la kosma erao [7]; en la komenca erao de la personaj komputiloj [8].
3.
GEOL Geokronologia tempunuo, entenanta plurajn periodojn, parto de eono: paleozoiko, mezozoiko kaj kenozoiko estas paleontologiaj eraoj PIV2 ; erao respondas al kronostratigrafia unuo eratemo PIV2 ; [ili] kredis vidi en ili la posteulojn de dinosaŭroj de la Sekundara Erao [9]; limojn de eraoj difinas grandaj movoj de terkrusto aŭ radikalaj ŝanĝoj de organika mondo. SUB:arkeano, proterozoiko, paleozoiko, mezozoiko, kenozoiko
4.
(evitinde) =epoko1
1. Ivo Lapenna: Retoriko, Unua Parto
2. Yamasaki Seikô: Ĉu vere kristana erao?, Monato, 2000/04, p. 17
3. Ivo Lapenna: Retoriko, Unua Parto
4. A. Cherpillod: La galla, ĉu malaperinta?, Monato, 1998:6, p. 16a
5. Monato, Hori Yasuo: Fermiĝas la arbaro-domo, 2003
6. Ivo Lapenna, Tazio Carlevaro kaj Ulrich Lins: Esperanto en Perspektivo, Kvara Parto
7. Ivo Lapenna, Tazio Carlevaro kaj Ulrich Lins: Esperanto en Perspektivo, Kvina Parto
8. R. Rotsaert: WordPerfect 10 ĉu lasta provo?, Monato, 2002:5, p. 18a
9. Wim de Smet: La „drakoj” de Komodo: Gigantaj bestoj sur izola insulo, Monato, 2000/06, p. 18
angle:
era
beloruse:
эра
bulgare:
ера
ĉeĥe:
doba, epocha, geol. éra, letopočet, éra
ĉine:
1. 計時 [jìshí] 3. 紀元 [jìyuán], 卋 [shì] 4. 紀元 [jìyuán], 卋 [shì]
france:
ère
germane:
Ära 1. Zeitrechnung 2. Zeitalter
hispane:
era
hungare:
éra, korszak, kor (történelmi pl.: középkor)
itale:
era
japane:
紀元 [きげん], 時代 [じだい], 代 [だい]
katalune:
era (temps)
nederlande:
era, tijdrekening
pole:
era 3. era geologiczna
portugale:
era
rumane:
eră
ruse:
эра
slovake:
epocha, éra
ukraine:
ера

administraj notoj