tradukoj: be bg ca de en es fa fi fr hu id it nl no pl pt ru sk sv vo

*ĥemi/o PV , 8kemi/o PV

*ĥemio, kemio  

KEMSCI Scienco studanta per analizo kaj sintezo la konsiston de la materiaj substancoj kaj la fenomenojn ĉe kiuj ŝanĝiĝas la interna strukturo de la korpoj: kiu okupas sin je ĥemio, estas ĥemiisto [1]; kvar israelanoj ricevis dum la lastaj 10 jaroj Nobel-premiojn pri ĥemio kaj ekonomiko [2]; ankaŭ kemio estas arabdevena vorto [3].

ĥemia, kemia

Rilata al ĥemio: ĥemia armilo, bombo; elpensaĵo, kiun oni nomos ĥemiaj alumetoj [4]; estus terura […] la ĥemia kuniĝo de la densigita vosto de la kometo kun la oksigeno de nia atmosfero FK ; multajn sanproblemojn ili povus solvi sen ĥemiaj kuraciloj [5]; enzimoj ebligas kaj regas la sennombrajn kemiajn reagojn kiuj estas necesaj por vivo [6].

ĥemiaĵo, kemiaĵo

1.
Ĥemia substanco, precipe ia uzata en ĥemiaj eksperimentoj aŭ analizoj: Milk elportis rakon de analizaj ĥemiaĵoj kaj la pulvorigilon [7]; Usono eĉ liveris la ĥemiajn kaj biologiajn armilojn, per kiuj Irako tiutempe povis batali [8]; multaj preferas kutimiĝi al la sendanĝeraj kuloj anstataŭ uzi kemiaĵojn [9].
2.
Ĥemia produkto, varo produktita per ĥemiaj metodoj: pro agrokulturaj ĥemiaĵoj lampiroj malaperis, sed nun multaj vilaĝoj ilin kultivas por allogi turistojn [10]; maŝino kiu purigas paperon, forprenante la inkon […] per ĥemiaĵoj kaj varmo [11].

*ĥemiisto, kemiisto  

KEMSCI Scienculo aŭ teĥnikisto pri ĥemio: viva ekzistaĵo ne povas esti kreita en la retorto de ĥemiisto EE ; la ĥemiisto Kunz konfirmas la supozojn de Boyl FK ; li ne estis ĥemiisto, astronomo, matematikisto VivZam ; kongreso de kemiistoj [12].

elektroĥemio  

KEMSCI Branĉo de ĥemio, kiu pritraktas sistemojn kaj interfazajn limojn dum fluo de elektro tra ili: por elektroĥemio gravas la fakto, ke la surfaco de elektrodoj el la [vitra] grafito estas tre ĥemie imuna [13].

elektroĥemia, elektrokemia

Rilata al ĥemia transformado de substancoj per elektra fluo: per elektrokemia procedo la emisiado realiĝas ĉe ordinara temperaturo [14].

imunoĥemio

BAKSCI Scienco pri la ĥemiaj strukturo kaj ecoj de la antikorpoj kaj antigenoj, kaj pri ilia interagado: li interesiĝis pri imunologio, kiam ankoraŭ junis tiu ĉi fako, kaj li akiris sciojn pri ĥemio kaj imunoĥemio [15].

neorganika ĥemio9  

KEM Parto de ĥemio kiu studas neorganikaĵojn: ĉi tiuj estaĵoj […] konsistas […] el fero, oro kaj ankaŭ el multspecaj metaloj kaj mineraloj, inter ili ankaŭ el tiaj, kiujn ne konas nia neorganika ĥemio [16].

organika ĥemio9  

KEM Parto de ĥemio kiu studas organikaĵojn, tio estas precipe substancojn kun karbona aŭ hidrogena bazo: organika ĥemio enhavas ege pli multe da kombinaĵoj ol neorganika ĥemio [17].

petrolĥemio  

KEMSCI Branĉo de ĥemio studanta konsiston kaj ĥemiajn ecojn de nafto, petroloj kaj natura gaso (gasaj hidrokarbonaĵoj).

tradukoj

anglaj

~o, kemio: chemistry; ~a, kemia: chemical; ~aĵo, kemiaĵo: chemical; ~isto, kemiisto: chemist; elektro~o: electrochemistry; elektro~a, elektrokemia: electrochemical; imuno~o: immunochemistry; petrol~o: petrochemistry.

belorusaj

~o, kemio: хімія; ~a, kemia: хімічны; ~aĵo, kemiaĵo: хімікат, хімікаліі, хімічнае рэчыва; ~isto, kemiisto: хімік; elektro~o: электрахімія; elektro~a, elektrokemia: электрахімічны; imuno~o: імунахімія; neorganika ~o: неарганічная хімія; organika ~o: арганічная хімія; petrol~o: нафтахімія.

bulgaraj

~o, kemio: химия.

finnaj

~o, kemio: kemia; ~a, kemia: kemiallinen; ~aĵo, kemiaĵo: kemikaali; elektro~o: sähkökemia; elektro~a, elektrokemia: sähkökemiallinen; imuno~o: immunokemia; petrol~o: petrokemia.

francaj

~o, kemio: chimie; ~a, kemia: chimique; ~aĵo, kemiaĵo: produit chimique, substance chimique; ~isto, kemiisto: chimiste; elektro~o: électrochimie; elektro~a, elektrokemia: électrochimique; imuno~o: immunochimie; neorganika ~o: chimie inorganique; organika ~o: chimie organique; petrol~o: pétrochimie.

germanaj

~o, kemio: Chemie; ~a, kemia: chemisch; ~aĵo, kemiaĵo: Chemikalie; ~isto, kemiisto: Chemiker; elektro~o: Elektrochemie; elektro~a, elektrokemia: elektrochemisch; imuno~o: Immunchemie; neorganika ~o: anorganische Chemie; organika ~o: organische Chemie; petrol~o: Petrochemie.

hispanaj

~o, kemio: química; ~aĵo, kemiaĵo: producto químico; elektro~o: electroquímica.

hungaraj

~o, kemio: kémia, vegytan; ~a, kemia: kémiai; ~aĵo, kemiaĵo: vegyszer; elektro~o: elektrokémia; elektro~a, elektrokemia: elektrokémiai.

indoneziaj

~o, kemio: kimia; ~isto, kemiisto: kimiawan; elektro~o: elektrokimia; neorganika ~o: kimia anorganik; organika ~o: kimia organik; petrol~o: petrokimia.

italaj

~o, kemio: chimica; ~a, kemia: chimico (agg.); ~aĵo, kemiaĵo: prodotto chimico, sostanza chimica; ~isto, kemiisto: chimico (sost.); elektro~o: elettrochimica; elektro~a, elektrokemia: elettrochimico (agg.); imuno~o: immunologia; petrol~o: petrolchimica.

katalunaj

~o, kemio: química; ~aĵo, kemiaĵo: producte químic.

nederlandaj

~o, kemio: chemie, scheikunde; ~a, kemia: chemisch, scheikundig; ~aĵo, kemiaĵo: chemieproduct, chemicaliën (= ĥemiaĵoj); elektro~o: elektrochemie; elektro~a, elektrokemia: elektrochemisch; imuno~o: immunochemie; petrol~o: petrochemie.

norvegaj

~o, kemio: kjemi; ~a, kemia: kjemisk; ~aĵo, kemiaĵo: kjemikalie; elektro~o: elektrokjemi; elektro~a, elektrokemia: elektrokjemisk; imuno~o: immunokjemi; petrol~o: petrokjemi.

persaj

~o, kemio: شیمی; ~a, kemia: شیمیایی; ~aĵo, kemiaĵo: مادهٔ شیمیایی; ~isto, kemiisto: شیمی‌دان; elektro~o: برقاشیمی، الکتروشیمی; petrol~o: پتروشیمی.

polaj

~o, kemio: chemia; ~a, kemia: chemiczny; ~aĵo, kemiaĵo 1.: substancja chemiczna, środek chemiczny, chemikalia (l.mn.); ~aĵo, kemiaĵo: środek chemiczny; ~isto, kemiisto: chemik; elektro~o: elektrochemia; elektro~a, elektrokemia: elektrochemiczny; imuno~o: immunolgia.

portugalaj

~o, kemio: química (ciência); ~a, kemia: químico; ~aĵo, kemiaĵo: produto químico; elektro~o: eletroquímica.

rusaj

~o, kemio: химия; ~a, kemia: химический; ~aĵo, kemiaĵo 1.: химикалий, реактив, химическое вещество; ~aĵo, kemiaĵo 2.: химикат, химическое изделие, химический препарат; elektro~o: электрохимия; elektro~a, elektrokemia: электрохимический; imuno~o: иммунохимия; petrol~o: нефтехимия.

slovakaj

~o, kemio: chémia; ~aĵo, kemiaĵo: chemikália.

svedaj

volapukaj


fontoj

1. L. L. Zamenhof: Fundamento de Esperanto, Ekzercaro, § 32
2. Monato, , Josef Ŝemer: La juda ŝtato 60-jara, 2008
3. Monato, Yamasaki Seikô: Pruntoj: Arabaj vortoj en la germana kaj esperanta lingvoj
4. H. C. Andersen, trad. L. L. Zamenhof: Fabeloj, vol. 3, Ŝtono de la saĝuloj
5. L. Stražnickas: Verdaj kuracilojMonato
6. Monato, Vivo: Riboj
7. Ĝ. Vans: Trigamba Joĉjo
8. Monato, , Gerrit Berveling: Usono inter Irano kaj Irako, 2003
9. Monato, Saliko: Ĝojoj kaj ĝuoj de finna somero
10. Hori Y.: JapanioMonato
11. Monato, , Malkopiilo, 93/10
12. Monato, , Nikolao Gudskov: La mondrevolucia verko finfine en Esperanto, 2009
13. Vikipedio, Grafito
14. -, trad. J. Palu: Kion kapablas elektrono?, Homo kaj Kosmo, numero 1976/1-1, p. 7a-8a
15. S. Norvell: Profeto sen honoroMonato
16. F. Karinthy, trad. L. Totsche: Vojaĝo al Faremido, 1933
17. Z. Pluhař: Sistema Ĥemia Nomenklaturo en Esperanto, 2011

petrol~o: Mankas dua fontindiko.
petrol~o: Mankas fonto, kiu estas nek vortaro nek terminaro.


ℛevo | datumprotekto | hxemi.xml | redakti... | traduki... | artikolversio: 1.47 2019/12/26 21:10:23