tradukoj: el en fr ru

ĥet/o Z

ĥeto

1.
LIN Nomo de litero responda al la esperanta ĥo en diversaj ŝemidaj alfabetoj; interalie la hebrea ח, per kiu estas markitaj la versikloj 57ª–64ª de la psalmo 119ª en la Londona Biblio.
2.  
BIBPERS La nomo (Ĥeto) de nepo de Ĥamo, kiun Biblio prezentas kiel prapatron de la ĥetidoj: kaj Abraham leviĝis, kaj profunde kliniĝis antaŭ la popolo de la lando, antaŭ la filoj de Ĥet' [1].

ĥetido

1.  
HIS Ano de bronzepoka popolo hindeŭropa, kiu loĝis en Anatolio kaj formis tie grandan regnon (1500–1200 a.K.): Bat-Ŝeba, filino de Eliam, kaj edzino de Urija, la ĥetido [2]; kaj la sirianoj diris unu al la alia: Certe la reĝo de Izrael dungis kontraŭ ni la reĝojn de la ĥetidoj kaj la reĝojn de la egiptoj, ke ili iru kontraŭ nin [3].
2.  
HIS=praĥetido

ĥetida

HIS Rilata al la ĥetidoj1, ilia lingvo kaj civilizo: la ĥetida lingvo estas lingvo hindeŭropa, proksima al la armena; la Ĥetida Regno.

praĥetido  

HIS
Praloĝanto de la teritorio de la Ĥetida Regno: konkerinte la landon de la praĥetidoj, la novaj enloĝantoj transprenis sur sin ilian etnonomon kaj la nomon de ilia regno.

Rim.: Biblio uzas la etnonomon ĥetido plursence. Iuj aperoj en Genezo aludas Kanaanan tribon, ne pli gravan, ol la genro de Abrahamo; ties anoj havas ŝemidajn nomojn. Aliaj aperoj aludas eksteran regnon, kompareblan kun Egiptujo (ekz-e I. Reĝoj 7:6). Tio similas nian uzon de la etnonomoj „brito“, „belgo“, „egipto“: jen temas pri antikva etno, kiu donis sian nomon al la lando; jen pri ano de moderna nacio. [Sergio Pokrovskij]

tradukoj

anglaj

~o 1.: heth, het; ~o: Heth; ~ido 1.: Hittite; pra~ido: Hattian.

francaj

~o: Heth.

grekaj

~ido 1.: Χετταΐοι.

rusaj

~o 1.: Хет; ~o: Хет; ~ido 1.: хетт; ~ida : хеттский; pra~ido: хатт (анатолийский). ~ida lingvo: хеттский язык; Ĥ~ida Regno: Хеттское царство.

fontoj

1. trad. L. L. Zamenhof: La Malnova Testamento, Genezo 23:7
2. trad. L. L. Zamenhof: La Malnova Testamento, II. Samuel 11:3
3. trad. L. L. Zamenhof: La Malnova Testamento, I. Reĝoj 7:6

~ida: Mankas dua fontindiko.
pra~ido: Mankas dua fontindiko.


ℛevo | datumprotekto | hxet.xml | redakti... | traduki... | artikolversio: 1.3 2017/04/27 23:10:42