tradukoj: be de en es fr hu it la nl pl pt ru sv

¹kanal/o [1]

kanalo

1.

Artefarita, plejofte subĉiela akvovojo:

a)

Arta akvovojo uzata por navigado kaj transportado: konstrui, elfosi kanalon; elĉerpiĝos kaj sekiĝos la kanaloj de Egiptujo [2]; en la kanalo kuŝis la ŝipoj, englaciigitaj, forlasitaj de la ŝipanaro [3]; ĉu vi aŭdis ion [...] pri la kanalo, kunigonta Mediteraneon kun Ruĝa maro? [4]; Suez-a Kanalo.

b)

Arta akvovojo uzata kiel kondukilo de pura aŭ malpura akvo: li metis la skrapitajn bastonojn antaŭ la ŝafoj en la akvotrinkigajn kanalojn, al kiuj la ŝafoj venadis por trinki [5]; urbaj kanaloj por malpuraĵoj [6].

2.

[7] Tradicia nomo de iuj markoloj: la kanalo de Mozambiko, la Kanalo (t.e. Maniko); tra la kanala tunelo (tra la tunelo sub Maniko) oni veturas [de Anglujo] al Francujo [8].

3.

Organa tubo: spirkanalo; sindromo de la karpa kanalo; buŝkanalo (formita de la malfermita buŝo kaj ĝin sekvanta spirkanalo).

4.

(figure) Pero, perado: konigi sian opinion per la kanalo de la revuo.

5.

Aparataro realiganta sendependajn datumtransmetojn de sendilo al ricevilo per fizika lineo (unu lineo povas priservi multajn kanalojn): unudirekta kanalo; ambaŭdirekta kanalo.

kanaligi

1.

Transformi riveron en kanalon, fortikigante la bordojn, rektigante la fluon ktp. kanalizi

2.

(figure) enkanaligi ² la Partio de la Laboristoj (PT) daŭre politike kanaligas la grandan socian forton akumulitan de la maldekstro dum dudek jaroj [10].

enkanaligi

1.

(fluaĵojn) Konduki ilin en kanalon.

2.

(figure) (fortojn, emociojn, dezirojn ks) Ilin arigi, disciplini, organizi, kontroli: la ĉina registaro pli kaj pli malfacile enkanaligas la naciisman senton de popolo tre deziranta vidi Japanion venkota (en piedpilka matĉo) [11]. kanaligi ²
Rim.: Oni ĉi-sence ne uzu "kanalizi".

nutrokanalo

[12] Tuto de la organoj, tra kiuj iras la nutraĵoj en la korpo: [anuso estas] malfermaĵo, kiu troviĝas ĉe la fino de la nutrokanalo [13]; blankvanga gibono en Ĉinio estas tre sentema al malsanoj, precipe malsanoj de spir- kaj nutrokanaloj, kaj tio kaŭzas aborton [14].

stratkanaleto

Neprofunda deklivaĵo farita sur strato, funkcianta kiel defluilo por pluvakvo.