tradukoj: be de en es fr hu it nl ru

⁹kased/o [1]

⁹kasedo

Kesteto por ŝirmo kaj pli facila manipulo de enkonstruita datumportilo aŭ aranĝaĵo: kasedo de magneta rubando; kasedo de magneta disko aŭ lumdisko; kasedo de inkrubando; li enmetas kasedon, kaj irigas la aparaton [2].

kasedilo[3]

Aparato por lego aŭ skribo de datumportaj kasedoj: oni ankaŭ povas kunporti kasedilon kaj danci [4].

kasedujo

Ujo por konservi kaj kunporti aron da kasedoj.

kasedo kun turnebla ŝovkovrilo

Kasedo kies ŝovkovrilo per ĉarniroj aligita ne estas tute eltirata dum la fotografado, sed malantaŭ la kasedo turnata.

almetkasedo

Kasedo, kiun oni ne ŝovas en la foldojn de la kamerao, sed nur alpremas al ĝi.

duobla kasedo

Kasedo ŝargebla per du plakoj aŭ platfilmoj.

filmpakkasedo

Kasedo ŝargebla per filmpakoj.

kartoĉfilma kasedo

Kasedo por kartoĉfilmoj, ŝargebla ordinare eĉ ĉe taglumo.

poŝkasedilo[5]

Malgranda, facile portebla kasedilo: li estis ege laca, la kravatnodo malstrikta, la kolumo senkoloriĝinta, la kapo ĵetita malantaŭen, la poŝkasedilo laŭta kaj la kapaŭskultiloj enterigitaj en la oreloj [6].

ŝanĝkasedo

Kasedo ŝargebla per difinita aro da plakoj.