tradukoj: be cs de en fr nl pl pt ro ru sk

1komisar/o FK , komisari/o Fab3

komisaro, komisario  

1.
POL Tiu, kiu estas komisiita de ŝtato aŭ alia organizo por plenumi specialan nedaŭran funkcion: tri sinjoroj, elegante vestitaj, venis en hotelon, prezentante sin kiel komisaroj Amerikaj de la ekspozicio Antverpena FK ; mi estas komisario de transloĝiĝoj [1]; komisaro de la registaro apud la parlamento (por klarigi kaj apogi specialan leĝoprojekton); UN-komisaro [2]; komisaro de balo, de festo, de ekspozicio (komisiita por ĝin prepari kaj prizorgi).
2.
Ŝtata oficisto kun administraj aŭ justicaj taskoj: skribu sur [koverton] la adreson de la bienmastro: Ĝenerala milita komisario [3]; la komisaro estas Salvo Montalbano kaj liaj aventuroj estas tradukitaj en multajn lingvojn [4]; en preskaŭ ĉiuj [liaj romanoj] la protagonisto estas superkapabla policisto komisaro San-Antonio [5].
SIN:komisiito

polickomisaro, polica komisaroZ  

Policisto kun alta rango; ĉefenketisto: polickomisaro Roberto Elis enketas [6]; la polickomisaro vivis fore sur la ĉeftero kaj neniam estis vokita pro juraj aferoj [7].

vickomisaro

Vica, helpanta komisaro: Liŭ estas enoficigita kiel Vickomisaro de Propagando por la loka Revolucia Partio [8].

tradukoj

anglaj

~o, komisario 1.: commissary; ~o, komisario 2.: commissioner.

belorusaj

~o, komisario: камісар.

ĉeĥaj

~o, komisario: komisař, pověřenec, pořadatel.

francaj

~o, komisario: commissaire; polic~o, polica ~o: commissaire de police; vic~o: commissaire adjoint.

germanaj

~o, komisario: Kommissar, Beauftragter; polic~o, polica ~o: Polizeikommissar, leitender Ermittler; vic~o: Vizekommissar, Stellvertreter.

nederlandaj

~o, komisario 1.: commissaris, ceremoniemeester; ~o, komisario 2.: commissaris.

polaj

~o, komisario: komisarz; polic~o, polica ~o: komisarz policji; vic~o: podkomisarz.

portugalaj

~o, komisario: comissário, encarregado.

rumanaj

~o, komisario: comisar; polic~o, polica ~o: comisar de poliţie; vic~o: comisar adjunct de poliție.

rusaj

~o, komisario: комиссар.

slovakaj

~o, komisario: komisár, poverenec.

fontoj

1. H. C. Andersen, trad. L. L. Zamenhof: Fabeloj, vol. 4, Dekdu per la poŝto
2. Monato, Jomo Ipfelkofer: Kuraĝu malobei!
3. H. C. Andersen, trad. L. L. Zamenhof: Fabeloj, vol. 3, Kora sufero
4. Monato, Roberto Pigro: Fikciaj fiŝoj
5. B. Kolker: Parizo slangas en Esperanto, Monato, 1997:05
6. Monato, Donald Broadribb: Nova krimromano el Aŭstralio
7. A. Strindberg, trad. S. Johansson: Insulanoj de Hemsö, 2005
8. Chun-Chan Yeh, trad. W. Auld: Montara Vilaĝo, 1984

polic~o, polica ~o: Mankas verkindiko en fonto.


ℛevo | datumprotekto | komisa.xml | redakti... | traduki... | artikolversio: 1.17 2019/10/13 12:10:17