tradukoj:

koncentr/a

koncentra  

(arkaismo) VdE Samcentra: du koncentraj rondoj.
Rim.: 1. Ne konfuzu kun: koncentra (densa)
Rim.: 2. koncentr/a estis oficiala radiko de la 1a OA, sed ĝi perdis sian oficialecon per la 8a OA, kiu oficialigis la radiko koncentr/i.

koncentrigi  

(arkaismo) VdE Kunigi ĉirkaŭ komuna centro: koncentrigi la tutan administradon en la ĉefurbo; la juna virino koncentrigis la fortojn de sia volo kaj spirito Marta ; [li penas] koncentrigi la atenton sur nova penso [1]; ŝi decidis [...] fari ian paŝon, kiun ŝi ne povis fari sen granda peno, sen koncentrigo (koncentrado) de ĉiuj fortoj de sia volo Marta ; la 16-an de Misori, la koncentrigo de la militistaro estis preskaŭ finita [2]. SIN:fokusi
Rim.: Ne konfuzu kun: koncentrigi

koncentriĝi  

Kolektiĝi ĉirkaŭ komuna centro: ĉiam pli vastiĝados la regionoj glaciaj, […] vivo […] iom post iom koncentriĝos en la regionoj subekvatoraj FK ; ĉiuj fortoj de ŝia spirito koncentriĝis en ŝiaj okuloj Marta ; tie koncentriĝis la tuta komerco de la eburo [3]; en tiu oficejo koncentriĝas la laborojZ ; komence liaj pensoj koncentriĝis sur la monoB . SIN:fokusiĝi

Rim.: Vd la rimarkon sub la homonima radiko koncentr.

fontoj

1. V. Varankin: Metropoliteno, ĉap. 1
2. B. Prus, trad. Kazimierz Bein: La Faraono, vol. 1, ĉap. 1
3. B. Prus, trad. Kazimierz Bein: La Faraono, vol. 3, ĉap. 10

~a: Mankas dua fontindiko.
~a: Mankas fonto, kiu estas nek vortaro nek terminaro.
~iĝi: Mankas verkindiko en fonto.


administraj notoj

pri koncentr/a :
  Por eviti konfuzojn estas preferinde ne aldoni nacilingvajn
  tradukojn.
  [MB]

ℛevo | datumprotekto | koncen1.xml | redakti... | traduki... | artikolversio: 1.7 2018/11/17 23:10:16