tradukoj: be ca cs de fr hu nl pt ru sk

*27paradoks/o

*paradokso  

1.
Opinio ŝoka, surpriza, ŝajnanta malsaĝa.
a)
FIL Opinio ŝoka por racio, por logiko: la paradokso de Fermi demandas, se vivo oftas en la universo, kial ne troviĝas evidenta signalo de ĝi [1].
b)
(komune) Opinio malakorda kun komunaj antaŭsupozoj, malkutima: la forto de la beleco pli facile faros el la virto malĉaston, ol la forto de la virto egaligos al si la belecon, tio ĉi antaŭe estis paradokso, sed nun la tempo montras, ke tio ĉi estas vero Hamlet ; obstina malkapablo ridi pri si mem kreas paradokson: ĝi vekas ridemon [2]; estas paradokso, ke nun en EU varoj kaj kapitaloj tute libere cirkulas, sed homoj kaj ideoj multe malpli [3]; unu el la multaj paradoksoj de la nuntempa Islama Respubliko Irano estas ke, kvankam virino estas kelkfoje diskriminaciata en la lando, hodiaŭ pli kaj pli da junulinoj studas kaj atingas plej altajn gradojn de instruiteco [4].
2.  
Kontraŭdiro per abstrakta rezonado; aporio: groteska helena ekzemplo de logik-paradokso pri greka insulo Kreto: Kretano asertas: „ĉiuj kretanoj mensogas!” [5]; Zenono el Elajo kreis ankaŭ unuajn paradoksojn, per kiuj pruvas, ke movo ne ekzistas [6]; la Rusela paradokso […] pruvas ke la naiva arteorio uzata ĝis tiam […] estas memkontraŭdira [7].

*paradoksa

Prezentanta paradokson: la netuŝebleco de la fundamento nur garantios al ni konstante, ke […] perfektiĝado fariĝados […] ne per nuligado aŭ sentaŭgigado de nia ĝisnuna literaturo, sed per vojo natura, senkonfuza kaj sendanĝera […] nun mi diros pri tio ĉi nur kelkajn vortojn, por ke mia opinio ne ŝajnu tro paradoksa [8]; ekestas la paradoksa situacio, ke ĝuste en momento, en kiu tribunaloj konstatas, ke la Blok estas rasisma partio, aliaj partioj – kvankam nur heziteme – konsentas pri eventuala kunlaboro politika kun tiu partio [9]; paradokseco [10].

paradokse

En paradoksa maniero; kontraŭe al la komuna pensado: usiano estas duoble pli malriĉa, ol la averaĝa terloĝanto, paradokse tamen, Rusio okupas la trian lokon en la mondo laŭ la nombro de miliarduloj [11]; paradokse, la konkurantoj ne uzis siajn piedojn por ludi piedpilkon tian, sed fingrojn, ĉefe la dikajn [12].

tradukoj

belorusaj

~o: парадокс.

ĉeĥaj

~o: nesouhlas, paradox, protismysl, rozpor.

francaj

~o: paradoxe.

germanaj

~o: Paradoxon; ~e : paradox.

hungaraj

~o: paradoxon, látszólagos ellentmondás.

katalunaj

~o 2.: aporia; ~o: paradoxa.

nederlandaj

~o: paradox.

portugalaj

~o: paradoxo.

rusaj

~o: парадокс.

slovakaj

~o: paradox, protizmysel, rozpor.

fontoj

1. Vikipedio, Astrobiologio
2. Monato, Reinaldo Marcelo Ferreira: Kronikoj de niaj frustriĝoj
3. Monato, Junuloj kaj lingvoj
4. Monato, Simone Zoppellaro: Prestiĝa medalo al virino el Irano
5. Monato, Stefan MAUL: Papo kontraŭ kristano
6. Vikipedio, Filozofio, 2012-04-27
7. Vikipedio, Rusela paradokso
8. L. L. Zamenhof: Fundamento de Esperanto, Antaŭparolo
9. Monato, Marko Naoki Lins: La Blok blokita ... aŭ ĉu?
10. Monato, Donald Broadribb: Paradoksa libreto da paradoksaj rakontetoj
11. Monato, Sergei Paĥomov: Profilo paradoksa
12. Monato, Jozefo Lejĉ: Reala premio en nereala matĉo


ℛevo | datumprotekto | parado.xml | redakti... | traduki... | artikolversio: 1.17 2018/02/10 14:10:14