tradukoj: be de en fr hu pt ru

rendiment/o

rendimento  

1.  
TEK Kvociento de utila laboro per elspezita energio: la produktado de elektro per fotovoltaaj ĉeloj provokas kritikojn, pro la alta kostoprezo kaj la malgranda rendimento, ĝi estas efika nur en idealaj cirkonstancoj, kie abundas suno [1]; dum antaŭ kelkaj jaroj neniu dubis pri la utilo de biokarburaĵoj, oni nun ĝenerale konsentas ke ili apenaŭ efikas kontraŭ la klimatŝanĝiĝo, ĉar ilia produktado postulas tro da energio, foje la rendimento eĉ estas negativa [2].
2.  
EKON Profito akirita per kapitalo (valorpapero, investoj) en formo de dividendo, rento ktp: la loĝantoj de la Mekong-delto, ĉe la suda landparto, per du rizrikoltoj ricevas jarajn rendimentojn de 10 ĝis 12 tunoj/ha [3]; la banko, kiu daŭre havis grandajn gajnojn, nun strebas al rendimento de 25  el propra kapitalo [4].

tradukoj

anglaj

~o 2.: yield; ~o : performance, efficiency.

belorusaj

~o 1.: прадукцыйнасьць, каэфіцыент карыснага дзеяньня; ~o 2.: даходнасьць, прыбытковасьць, рэнтабельнасьць.

francaj

~o : rendement, efficience.

germanaj

~o 1.: Wirkungsgrad; ~o 2.: Rendite.

hungaraj

~o 1.: hatásfok; ~o 2.: hozam, jövedelmezőség.

portugalaj

~o 1.: rendimento.

rusaj

~o 1.: отдача, производительность, коэффициент полезного действия; ~o 2.: доходность, прибыльность, рентабельность.

fontoj

1. Monato, Roland Rotsaert: Ĉu biokarburaĵoj helpas aŭ malhelpas?
2. Monato, Roland Rotsaert: Manĝi estos pli koste
3. Monato, S. Maul: Laŭ ritmo de la rizejoj
4. Monato, Stefan Maul: Diabla cirklo


ℛevo | datumprotekto | rendiment.xml | redakti... | traduki... | artikolversio: 1.7 2019/06/30 18:21:49