tradukoj: be bg ca cs de en es fr hu id nl pl pt ru sk

*17telegraf/o

*telegrafo  

TELELET Aparato por transsendi per videblaj aŭ skribitaj signoj sciigojn ĝis granda distanco kaj tiel havigi al iu telegramon: la skribado de unu sono per du literoj estas tute ne logika […] sed ni ĝin uzas nur […] por doni al ĉiuj presejoj kaj al la telegrafo la eblon labori jam nun en nia lingvo [1]; la interkomunikiĝo de la popoloj per la telegrafoj, vaporŝipoj kaj fervojoj grandiĝis en maniero neniam supozita FK .

telegrafi  

(tr)
Sciigi per telegrafo: la aerŝipo alvenas, ĝi estas plena de vojaĝantoj, […] la elektromagneta drato sub la oceano jam telegrafis, kiel granda estas la aera karavano [2]; li telegrafas: „hodiaŭ matene sepa filino naskita“ FK .

*telegrafe

Per la telegrafo: Mi gratulis telegrafe la junajn geedzojn [3]; modesta estas nia kunveno […] la vortoj, kiuj estas parolataj en nia kunveno, ne flugos telegrafe al ĉiuj urboj [4]; ni sendu telegrafe nian diversgentan saluton al la regnestro de la lando, kies gastoj ni estas [5].

telegrafejo

TEL Kontoro, de kiu oni povas sendi telegrafan mesaĝon: kiam […] la presejoj kaj telegrafejoj proviziĝos je nia alfabeto, tiam la uzado de superflua h estos absolute ĉesigita [6]; en aĝo de 14 jaroj, li Carnegie iĝis kuriero en la telegrafejo [7].

telegrafisto

Homo kiu profesie redaktas, transsendas, transskribas telegrafajn mesaĝojn: Aureliano Buendía redaktis […] telegramon por la prezidanto de la respubliko, sed la telegrafisto rifuzis ĝin transsendi [8]; Arne Arnessen estis norvega telegrafisto [9].

elektra telegrafo  

TEL Telegrafo kiu komunikas per sendo de kodaj elektraj impulsoj tra kablo: en 1832 Samuel Mors inventis elektran telegrafon [10]; elektra telegrafado: povas esti montra aŭ skriba [11].

optika telegrafo  

TEL Telegrafo kiu komunikas per observo kaj ripeto de videblaj signaloj inter sinsekvaj signalejoj: en 1787 hungara dirigento József Chudy inventis optikan telegrafon, li kreis ĉenon el domoj kun 10 fenestroj [kaj] kodon por la fenestroj [12]; en 1792 Chappe (ŝapp) eltrovis optikan telegrafon, kiu etendiĝis en Francio [13]; en la antikva tempo per torĉo aŭ fumo oni sendis mesaĝojn (optika telegrafado) [14].

tradukoj

anglaj

~o: telegraph; ~i: telegraph.

belorusaj

~o: тэлеграф; ~i: тэлеграфаваць.

bulgaraj

~o: телеграф; ~i: телеграфирам.

ĉeĥaj

~o: telegraf; ~i: telegrafovat.

francaj

~o: télégraphe; ~i: télégraphier; ~ejo: bureau du télégraphe; ~isto: télégraphiste; elektra ~o: télégraphe électrique; optika ~o: télégraphe optique.

germanaj

~o: Telegraph; ~i: telegraphieren; ~e: telegraphisch; ~ejo: Telegraphenamt; ~isto: Telegraphist; elektra ~o: elektrischer Telegraph; optika ~o: optischer Telegraph.

hispanaj

~o: telégrafo.

hungaraj

~o: távíró(készülék), telegráf; ~i: táviratozik.

indoneziaj

~o: telegraf.

katalunaj

~o: telègraf; ~i: telegrafiar.

nederlandaj

~o: telegraaf; ~i: telegraferen.

polaj

~o: telegraf; ~i: telegrafować.

portugalaj

~o: telégrafo; ~i: telegrafar.

rusaj

~o: телеграф; ~i: телеграфировать.

slovakaj

~o: pošta, telefón, telegraf; ~i: poslať telegram, telegrafovať.

fontoj

1. L. L. Zamenhof: Lingvaj Respondoj, 1. Alfabeto
2. H. C. Andersen, trad. L. L. Zamenhof: Fabeloj, vol. 3, Post jarmiloj
3. L. L. Zamenhof: Fundamento de Esperanto, Ekzercaro, § 36
4. L. L. Zamenhof: Paroloj, Parolado antaŭ la Unua Kongreso Esperantista en Boulogne sur Mer en la 5a de aŭgusto 1905
5. L. L. Zamenhof: Paroloj, Parolado antaŭ la Sepa Kongreso Esperantista en Antwerpen en la 21a de aŭgusto 1911
6. L. L. Zamenhof: Lingvaj Respondoj, 1. Alfabeto
7. Vikipedio, Andrew Carnegie
8. G. García Márquez, trad. F. de Diego: Cent Jaroj da Soleco, 1992
9. Vikipedio, Arne Arnessen
10. S. Dobrowolski, A. Zejdler: Homoj ĉiam serĉis la komunan lingvon, 8-aj Bjalistokaj Zamenhof-Tagoj, 2007
11. Vikipedio, Telegrafo
12. Vikipedio, Telegrafo
13. Vikipedio, Telegrafo, 2013-03-08
14. Vikipedio, Telegrafo


ℛevo | datumprotekto | telegr.xml | redakti... | traduki... | artikolversio: 1.28 2018/08/08 15:10:15