¹civil/a ^JED

1.

Rilata al ordinara statuso de civitano, neoficiala, privata.

a)

Nemilitista: civilaj vestoj [1]; ĉiuj pastroj, generaloj kaj civilaj altranguloj jam kolektiĝis en la granda salono [2]; devigita forlasi la revojn pri milita kariero por sia filo, la patro decidis destini lin por la civila servado [3]; civila milito (prefere: (inter)civitana milito) ^Metrop ; civile vestita sinjoro sin turnis tre ĝentile kaj amike al Vilfrido [4].

b)

Neeklezia: mi ne komprenas ke viro tiel inteligenta kiel vi donas la plej etan gravecon al tiu vana formulo, kiun oni nomas la civila edzigo [5]; juĝisto rilate al civilaj kaj religiaj aferoj ordonis, ke mi ricevu cent bastonfrapojn [6]. laika, profana

c)

Ne politika.

2.

Koncernante la interpersonajn rilatojn; ne publika, ne kriminala: civilaj rajtoj; civila juro (nekriminala); homoj […] ŝanĝinte sian civilan etaton, rekomencis ekzistadon sub alia nomo [7]; via edziniĝo kun mi, reguligante la civilan staton de tiu infano, redonante al li la familion, kiun li perdis, faros lian feliĉon kaj samtempe la vian [8]; oni eligis el la libroj de la civila registro tiun fatalan akton [9]; sin deklari civila partio.

Homo kiu estas nek militisto nek kleriko: la sentoj de la batalantaj nacioj fariĝis pli amaraj, kaj tiu amareco estis same, eĉ pli, evidenta inter civiluloj ol inter la soldatoj [10]; la civilulo estis sur la strato haltigita de nekonitaj junuloj [11]. burĝo¹, civitano, laiko