^*esprim/i ^UV

(tr)

Montri sian penson aŭ senton per paroloj, gestoj aŭ aliaj aŭdeblaj aŭ videblaj signoj: esprimi opinion, deziron, ĝojon, kontentecon, doloron; por esprimi direkton, ni aldonas al la vorto la finon ‚n‘ [1]; klare liaj rigardoj esprimis la deziron de lia koro [2]; mi esprimas […] koran dankon al tiuj […] institucioj en Parizo, [3]; ili permesis al si esprimi sian admiron [4]; ĉiuj komencis laŭte esprimi sian suspekton [5]. eldiri

1.

Montro de penso aŭ sento per paroloj aŭ gestoj: milda esprimo aperas sur lia malama vizaĝo [6]; la rozo […] estas la esprimo kaj la simbolo de […] amo [7]; la trajtoj […] ĉe la nun tute plenkreska knabino montris ankoraŭ la saman esprimon, kiu iam lumis sur la vizaĝo de la infano [8]; iliaj okuloj havis esprimon de trankvila frenezo [9].

2.

Dirmaniero, formulo², komplimento¹: tiu esprimo estas malklara, internacie nekomprenebla; novaj esprimoj devas esti enkondukataj nur iom post iom, nerimarkeble[10]; en ĉiu lingvo natura tre multaj esprimoj havas por ĉiu parto de parolo apartan vorton [11]; kiamaniere demandi? ― sed ŝi trovis nenian konvenan esprimon [12].

3.

^MatVort Sinsekvo da simboloj, indikanta matematikan aŭ programan objekton: la esprimo `a^x-2` konsistas el kvar simboloj kaj prezentas rezulton de du sinsekvaj operacioj; kalkulu la esprimon `a^2+5a-2`, kiam `a=2`; egalaĵo konsistas el du esprimoj kunigitaj per egalsigno. Komparu kun: formulo.

1.

Esprimo²: el liaj poemoj, nur kelkaj superas la nivelon de simpla emocia esprimaĵo [13]; la redakcio jam havas sufiĉan provizon de verkoj, kaj ke tial la demando pri publikigo de mia romano, laŭ ŝia esprimaĵo, „forfalas“ [14].

2.

(arkaismo) [15]esprimo³

1.

Ia rimedo por esprimi ion: pentristo, skulptisto aŭ alia artisto esprimas sin per aliaj rimedoj ol per la lingvo, tio signifas, ke sur tiu senta kampo li uzas nelingvajn esprimilojn [16]; tiu silento […] estis la plej perfekta esprimilo de iliaj komunaj pensoj [17].

2.

Lingva rimedo por esprimi iun sencon aŭ nuancon: la penso starigas inter ideoj certan nombron da rilatoj, por kiuj la naciaj lingvoj ne ĉiam disponas esprimilojn [18]; en okazo de kunveno li uzu neŭtralan esprimilon, kiel Esperanto [19]; rekursiaj funkcioj estas eleganta esprimilo por prezenti multajn klasikajn algoritmojn.

Konforma al la stilo de esprimismo, el la esprimismo: „La krio“ estas unu el la plej reprezentaj artaĵoj de la esprimisma movado [20].

Arta stilo, kiu forte prezentas sentojn kaj emociojn, eĉ per troigo aŭ karikaturo, historie precipe germandevena movado el la unua duono de la 20a jarcento; ankaŭ nomata ekspresionismo: esprimismo velkos kun naŭzo / post laŭto ekestos kontemplo [21]; Miklós Radnóti […] debutis kiel avantgarda poeto, liaj fruaj poemoj montras la influojn de esprimismo kaj superrealismo [22].

Pli-malpli formalo esprimo de danko: ĉiu kreitaĵo de Dio estas bona, kaj nenio devas esti forĵetita, se oni ĝin ricevas kun dankesprimo [23]; per preĝo kaj peto kun dankesprimo, viaj deziroj sciiĝu al Dio [24]; li lasis lin kun sinceraj dankesprimoj [25].

Esprimo rigardata kiel parto de alia esprimo: ŝpari komunajn subesprimojn en programo; redukti egalajn subesprimojn en algebra frakcio. termo

Esprimo de emocio, sento, opinio videbla sur la momenta ŝajno de la vizaĝo; fizionomio¹: li […] havis la vizaĝesprimon de kaprica infano, kiu tuj ekploros [26].