1ĵargon/o

ĵargono  

1.  
Socia dialekto, posedanta leksikajn apartaĵojn, sed havanta principe la samajn sistemojn fonetikan kaj gramatikan kiel la norma lingvo:
a)  
Slango per kiu koncerna grupo sin apartigas, servanta kiel rekonilo aŭ simbolo: junulara, kortega ĵargono.
b)  
Faklingvo: filozofia, medicina ĵargono; el la vundo (la traŭmo, se vi preferas fakĵargoni), kiun mi travivis tiufoje, mi neniam resaniĝis [1]; verkita en la angla lingvo, kiun mi bone komprenas ‐ la usonanglan komputilan ĵargonon tamen nur parte [2]; sed ni revenu al la citita merkat-informo kun ĝia komerca ĵargono [3]; samtempe, laŭ politikista ĵargono, subite videblis „ruĝa akvo“ inter la partioj [4].
c)
Kaŝlingvo, sekreta lingvo uzata por malfaciligi al la eksteruloj ĝian komprenadon: fripona, ŝtelista ĵargono.
2.
Helplingvo aŭ loka lingvo estiĝinta en interetna komunikado en limregionoj aŭ en lokoj kie amasiĝas diverslingvanoj (ekz-e en la marhavenoj) surbaze de simpligita etna lingvo kaj abunda vortopruntado: la mediteraneaj maristoj uzas ĵargonon, kie miksiĝas franca, itala kaj araba lingvoj; la popolo kreis al si ĵargonon ankaŭ internacie uzatan, kiu jam akiris nun literaturan forton, eĉ originalan poezion [5].
3.
(arkaismo) Lingvo fuŝita pro nesciado; lingvaĉo.
Rim.: Tiu senco ŝajnas al mi arkaika, kaj eble tute fremda al Esperanto. Ĝi aspektas kiel malestimo de malvastmensa pedanto rilate al la popola lingvo. PIV2 ĝin ne transprenis; eble ankaŭ ReVo ĝin ne menciu. [Sergio Pokrovskij]
1. Claude Piron: La bona lingvo
2. Monato, Garbhan MACAOIDH: Damnita komputilo! Diabla Interreto
3. K. Čapek, trad. J. Vondroušek: Milito kontraŭ salamandroj, Libro 2a, ĉap. 3a.
4. Monato, Paul GUBBINS: Ekfluas la ruĝa akvo
5. Ismael Gomes BRAGA: Sperto de Zamenhof, Nica literatura revuo, 1:1
angle:
2. lingua franca, pidgin 3. jargon 1.c jargon
beloruse:
жаргон
bulgare:
жаргон
france:
1. jargon, argot 2. sabir 3. jargon
germane:
1. Jargon 2. Pidgin, Lingua Franca 3. Kauderwelsch 1.a Jargon 1.c Jargon
hispane:
jerga
hungare:
2. keveréknyelv, lingua franca 3. bükkfanyelv, zagyva beszéd 1.a szleng 1.b szakzsargon 1.c tolvajnyelv
indonezie:
jargon
itale:
gergo
nederlande:
2. lingua franca 3. koeterwaals 1.c jargon
pole:
2. żargon, pindżin, dialekt, lingua franca 3. żargon 1.a żargon, slang, grypsera 1.b żargon 1.c grypsera
portugale:
2. língua franca 3. jargão 1.c jargão
ruse:
жаргон 2. пиджин, жаргон 1.a сленг 1.c жаргон, арго
svede:
jargong

administraj notoj