^*niĉ/o

1.

Kavaĵo en muro aŭ konstruaĵo destinita por loki statuon, fornon aŭ alian objekton: sanktula niĉo ĉe angulo ^RBa ; kondukinte Asarhadonon en flankan niĉon, [ili] longe parolis kun li [1]; Phut iris antaŭen kelke da paŝoj kaj troviĝis en malvasta niĉo, kie regis plena mallumo [2]; en la posta, senfenestra muro de la portiko […] estis faritaj ses niĉoj por statuoj ^PatrojFiloj ; el arĝentaj incensujoj en la niĉoj fluis malpezaj […] rubandoj de fumo ^FdO ; publikaj telefonoj en niĉoj ^VaK ; longa ligno-konstruaĵo, enhavanta ĉirkaŭ kvindek latrinajn niĉojn ^VaK . alkovo, embrazuro², tokonomo

2.

Malvasta, stabila merkato pri raraj komercaĵoj, kun malmultaj produktantoj, perantoj, aĉetantoj: niĉa merkato de grafikistoj (vd malgrandskala) [3]; merkata niĉo por lerneja instruado nur en Esperanto nun ne ekzistas, krom kelkaj feriaj gimnazietaj aranĝoj [4].