*nub/o PV

*nubo   Vikipedio

1.  
MET Amaso da densaj akvovaporoj pendanta en la supra atmosfero kaj kaŝanta la ĉielon: grizaj nuboj pelitaj de la vento; matene, komenciĝis tondroj kaj fulmoj, kaj densa nubo estis super la monto [1]; densaj nuboj, plenaj de akvo [2]; la suno subite sin montris el la nuboj BdV ; la ennuba luno BdV ; (figure) (frazaĵo) Stella sidis, kiel falinta el nuboj (tute surprizite) FK ; nubaro [3] FK .
2.
(figure) Ia amaso, kiu malklarigas aŭ malhelpas la vidon: nubo da polvo leviĝis sur la strato; li elblovis grandan nubon da fumo BdV ; ĉirkaŭita de la nubo de l' incensoj [4]; ĉirkaŭita de nuboj de bonodorfumo [5]; la blua fumo de pulvo tiriĝis kiel nuboj tra inter la mallumaj arboj [6]; nuboj de anseroj, anasoj kaj cikonioj leviĝis [7]; [ili] veturis al la sudo, kontraŭ la fluo de Nilo, ĉirkaŭitaj de nubo de ŝipoj [8]; sanga nubo kovris liajn okulojn.
3.  
(figure) Ĉio, kio malserenigas, maltrankviligas, malĝojigas aŭ malklarigas la spiriton: tiu malkonsento metis nubon en ilian amikecon; nubo pasis sur lia vizaĝo [9]; ankoraŭ ĉiam nuboj sur la frunto Hamlet ? nubo sur ilia feliĉo; nubo da ĉagreno kovris lian frunton; droni en nuboj kaj ĥimeroj VD:nebulo3, ombro, vualo.
angle:
cloud
beloruse:
воблака, хмара
bretone:
koumoulenn
ĉeĥe:
mrak
ĉine:
云 [yún]
france:
nuage
germane:
Wolke 2. Schleier, Schwaden
greke:
σύννεφο
hispane:
nube
hungare:
felhő
indonezie:
awan
katalune:
núvol
nederlande:
wolk
pole:
chmura
portugale:
nuvem
rumane:
1. nor
ruse:
облако
slovake:
mrak, mračno, oblak

nuba  

1.
MET Kovrita, plena de nuboj: nuba ĉielo, vetero; tago nuba kaj malluma [10]; la vespero estis varma, sed nuba IK ; Rejno ruliĝas antaŭen kiel unu sola longa ondo, falegas, estas vipata kaj aliformiĝas en neĝblankajn nubajn masojn [11].
2.  
(figure) Malklara, nebula: nuba stilo, teorio, spirito; ne uzu nubajn aŭ dubajn vortojn [12].
3.  
(figure) Malserena, maltrankvila, malĝoja: servistino, kiu antaŭ momento eniris malgaja kaj nuba [13]; nubmiena.
angle:
cloudy 2. unclear, obscure 3. gloomy
beloruse:
1. воблачны, хмурны, пахмурны 2. няясны, туманны 3. хмурны, пахмурны, пануры
bretone:
koumoulek
ĉeĥe:
pokrytý mraky, zatažený
france:
1. nuageux 2. nébuleux (fig.), obscur (fig.)
germane:
1. bewölkt, wolkig 2. vage, unklar 3. finster
greke:
νεφελώδης
hispane:
1. nublado, -a
hungare:
1. felhős 2. ködös, zavaros 3. ködös, felhős
indonezie:
berawan, mendung
katalune:
1. nuvolós 2. confús, vague 3. inestable, agitat, torbat
nederlande:
bewolkt
pole:
1. pochmurny 3. chmurny, pochmurny
portugale:
nublado
ruse:
1. облачный, пасмурный 2. туманный 3. хмурый
slovake:
chmúrny, nejasný, zamračený

sennuba

1.  
MET Sen nuboj, serena: mateno sennuba [14]; (figure) anonco, okazinta kiel fulmo en sennuba ĉielo [15].
2.  
(figure) Ne perturbata, trankvila, gaja, serena: lokoj, en kiuj disvolviĝis la sennuba idilio de ŝia infaneco kaj de ŝia unua juneco Marta ; doloro, kiu trafis la ĝis tiam sennuban vivon Marta .
germane:
heiter 1. wolkenlos 2. ungestört

administraj notoj