^*oft/e ^UV

(adverbo)

Multe da fojoj: teatramanto ofte vizitas la teatron [1]; li estas tre ekkolerema kaj ekscitiĝas ofte ĉe la plej malgranda bagatelo [2]; ofte amiko estas pli sindona ol frato. [3]; ofte nepripensita parolo vundas kiel glavo [4]; mi povos ŝin oftege vizitadi en intimeco de familio [5]; post infekta malsano oni ofte bruligas la vestojn de la malsanulo [6]; malsaĝulo ofte estas profeto ^PrV ; inter la mano ĝis la buŝo ofte disverŝiĝas la supo ^PrV .

Okazanta aŭ trovebla multe da fojoj: kronika kataro de konjunktivo estas unu el la plej oftaj malsanoj de la okuloj [7]; min tedas la ofta ripetado [8]; [li] antaŭe estis ofta gasto, kaj li venis […] preskaŭ ĉiutage [9]; lin doloris oftaj krizoj de astmo [10]; ofta kaŭzo de fatalaj program-eraroj [11]; ofta festo ― malplena kesto ^PrV .

Relativa abundo de okazado: la elipso estas tre ofta, ĝia ofteco dependas grandparte de la „familiareco“ de la temo [12]; manĝkutimo alta je graso, aparte bestdevena graso, ligiĝas kun plia ofteco de arteriosklerozo [13]; la domanaro jam rimarkis la maloftecon de liaj vizitoj [14]. ofto

En statistiko, observata probablo, kvociento de nombro de okazoj de koncerna valoro per la nombro de ĉiuj provoj: la plej ofta litero estis a kun ofto 12,110%, sekvis e, o, i kaj n kun 9,735, 9,095, 8,930 kaj 8,320% resp. [15]; la varianca devio de oftoj pli fortas en la zamenhofa proverbaro (11,2) ol en la franca kolekto (4,7) [16].

(tr)

Igi ion ofta: oftigi la uzadon de esprimoj kiuj [alie] enprofundiĝus en forgesemo [17]; mi tre ĝojas pri ĉi tia konkurso tiel kantokrea, mi voĉdonas por oftigi ĝin [18]. multigi

(ntr)

Iĝi ofta, pli facile trovebla ol antaŭe: jam la pli varmaj tagoj oftiĝas, la frostoj pasis [19]; kazoj de la malsano oftiĝis ankaŭ en eŭropaj landoj [20]; tiuj kunvenoj pli kaj pli oftiĝis kaj samtempe tute foriĝis la brilo kaj festa agordo [21].

Okazanta aŭ aperanta malmultajn fojojn: malofta gasto [22]; konfesi siajn proprajn kulpojn, […] tio estas eco malofta [23]; malofta ekzemplo de fideleco [24]; ĝardeno, plena de maloftaj kreskaĵoj [25]; tria rimarko pri „njo-knabo“ estas ĝia relative malofta uzo en la lingvo [26]. malmulta

Malmulte da fojoj: oni ŝin nur malofte vizitis [27]; al liaj leteroj ŝi respondis malofte [28]; tiel malofte mi renkontas vin, ke mi povus forgesi viajn trajtojn [29]; mi malofte vidis urbon, kiu ne deziras la ruiniĝon de la najbara urbo [30]; estas bone uzadi la vorton ‚je‘ kiel eble pli malofte [31]; malfeliĉo malofte venas sole ^PrV .

Io malofte trovebla, malabunde okazanta: alveno de bele vestita sinjorino en kaleŝo estis granda maloftaĵo en tiu kvartalo [32]; fizikaj punoj ne estis maloftaĵo ĉe la infanoj de Marko Zamenhof [33]; sed, maloftaĵo inter la samtempaj poetoj, la lingvo restas klara kaj plene komprenebla [34].

(ntr)

Iĝi malpli ofte trovebla, malpli abundi: por la maloftiĝinta varo oni devis pagi pli [35].

(evitinde) Plej ofte: la temoj de la kantoj estas plejofte anarkiismo, liberecanoj kaj simile [36].

Rim.: Oni ordinare ne kunfandu adverbojn.

(ntr)

Pli kaj pli abunde, ofte aperi: falsaj monbiletoj plioftiĝas [37].

Rim.: Oni ordinare ne kunfandu adverbon kun la verbo, do prefere skribu: falsaj monbiletoj pli oftiĝas.