*prepar/i

*prepari  

(tr)
Plenumi la necesajn taskojn por pretigi ion aŭ iun: ĉevalo estas preparata por la tago de milito [1]; ni preparas el ĝi panon [2]; antaŭ ol semi, ili preparas la grundon kaj ĝin senherbigas [3]; kreis rekordon la pilotoj, kiuj unuafoje surterigis aviadilon ĉe la poluso sur nepreparita loko [4]; por kuracado estas sukcese aplikataj precipe preparaĵoj de antimono [5].
a)
Fari ĉion antaŭe necesan, por ke io efektiviĝu, realiĝu, estiĝu: ŝi prenis paston, knedis ĝin, preparis antaŭ liaj okuloj, kaj bakis la kuketojn [6]; preparu tablon, […] manĝu, trinku [7]; prepari ĉion saĝe [8]; ili rapidas al la murego kaj preparas defendon [9]; en sia koro li preparas malicon [10]; vi preparas vin, por doni al mi mensogan kaj sentaŭgan respondon [11]; li preparas sin al nova krimo [12]; la juĝisto sin preparis eliri [13]; la infanoj preparas siajn lecionojn DL ; prepari provajn ekzemplerojn de tiaj vortaroj FK .
b)
Fari ĉion necesan, por poste utiligi ion: li hakas por si cedrojn […], preparas al si provizon [14]; diversaj lerte preparitaj ŝmiraĵoj [15]; preĝon faru, sed farunon preparu PrV .
c)
Antaŭvidi, antaŭzorgi ion: mi estas preparita por la plej malbona FK .
Rim.: „Pretigi“ pli akcentas la celon, ke ĉio estu preta, dum „prepari“ pli akcentas la diversajn necesajn taskojn, kiujn oni devas plenumi.
angle:
prepare
beloruse:
рыхтаваць, падрыхтаваць
bulgare:
подготви
ĉeĥe:
chystat, připravit, přichystat, připravit, uchystat, upravit
france:
préparer
germane:
vorbereiten
hispane:
preparar
hungare:
elkészít 1.a előkészít
nederlande:
voorbereiden, klaarmaken
portugale:
preparar, aparelhar, dispor, amanhar, aprestar, aprontar
ruse:
готовить, приготовить, подготовить
slovake:
prichystať, pripraviť, upraviť
svede:
förbereda

prepara

Servanta por prepari: preparaj ekzercoj, kursoj, lernejoj; la spaco da tero […] estas tre fruktoporta, sed arbara kaj postulanta multe da prepara laborado [16]; ne ĉesas la prepara laborado Hamlet ?
beloruse:
падрыхтоўчы
bulgare:
приготвен
france:
préparatoire
hispane:
preparativo
hungare:
előkészítő
katalune:
preparatiu, preparatori
nederlande:
voorbereidend
ruse:
приготовительный, подготовительный
svede:
förberedande

prepare al  

(prepoziciaĵo)
Antaŭ3, anticipe al, ĉion pretigante por antaŭvidata okazo: la brusela diskuto okazis prepare al la aperigo en aŭtuno […] de „verda libro” [17]; prepare al planata translokiĝo, mi decidis raciigi mian arĥivon [18]; Dunkan eklevis sian pakaĵon de la trotuaro prepare al eniro en la aŭtobuson [19].
17. Monato, Roland Rotsaert: Semajno pri neelĉerpiĝonta energio, 2007
18. Monato, Roland Rotsaert: De papero al komputilo: bitigo de presitaj dokumentoj, 2012
19. J. Francis: La Granda Kaldrono, 1978
france:
en vue de

preparo  

Antaŭaranĝo: ne valoras la faro la koston de l' preparo PrV ; li konstruu la konstruaĵon, por kiu mi faris la preparojn [20]; la preparoj por la enterigo […] estis finitaj [21]; okazis preparkonferenco de ĉiuj […] landaj eklezioj [22].
angle:
preparation
beloruse:
падрыхтоўка
bulgare:
подготовка
ĉeĥe:
příprava
france:
préparation
germane:
Vorbereitung
nederlande:
voorbereiding
ruse:
подготовка
slovake:
príprava

preparado

1.
Agado por prepari: preparado al la unua komunio, al ekzameno; mi havas sufiĉe da laboro en la preparado de mia ĉemizo [23]; li pensis nur pri la tempo de semado, pri plugiloj kaj preparado de kampoj [24]; preparado de nia […] kongreso [25].
2.
BIB Posttagmeza tempoperiodo (proksimume de la 3a horo posttagmeze ĝis la la sunsubiro) dum kiu la judismanoj preparas ĉion necesan por sabato aŭ simila festo: estis la Preparado de la Pasko, ĉirkaŭ la sesa horo [26].
3.  
KRI La unua parto de la ortodoksa liturgio, dum kiu la substanco por la eŭĥaristio estas preparata.
Rim.: Tiu Preparado iom similas la okcidentan ofertorion2, tamen ankaŭ grave de ĝi diferencas.
23. H. C. Andersen, trad. L. L. Zamenhof: Fabeloj, vol. 2, Monteto de elfoj
24. H. C. Andersen, trad. L. L. Zamenhof: Fabeloj, vol. 4, Dekdu per la poŝto
25. L. L. Zamenhof: Paroloj, Parolado antaŭ la Kvina Kongreso Esperantista en Barcelona en la 6a de septembro 1909
26. La Nova Testamento, S. Johano 19:14
angle:
preparation 3. liturgy of preparation, prothesis
beloruse:
падрыхтоўка 3. проскомидия
bulgare:
подготовка
ĉeĥe:
příprava
france:
préparation
germane:
Vorbereitung
greke:
3. προσκομιδή
hispane:
preparación
hungare:
előkészítés, elkészítés
nederlande:
voorbereiding
rumane:
3. proscomidia, proteza
ruse:
1. приготовление, подготовка 2. приготовление, пятница 3. проскомидия
slovake:
príprava

prepariĝi

(ntr)
1.
Sin pretigi por io farota aŭ okazonta: leono prepariĝas al atako; ŝi prepariĝu al akcepto de la estiminda gasto [27]; ŝi prepariĝas iri supren al sia malgranda fratino [28]; mi volas nur diri kelkajn ĝeneralajn vortojn, por instigi vin, bone kaj senpartie prepariĝi por la venontaj diskutoj [29].
2.
Esti preparata: prepariĝas gravaj okazaĵoj; prepariĝas […] la nacia plado [30]; dolĉaĵo, kiu prepariĝas el biskvitoj aŭ pano metitaj en lakton [31].
27. N. V. Gogol, trad. L. L. Zamenhof: La Revizoro, Akto dua
28. H. C. Andersen, trad. L. L. Zamenhof: Fabeloj, vol. 3, kvin en unu silikvo
29. L. L. Zamenhof: Paroloj, Parolado antaŭ la Sepa Kongreso Esperantista en Antwerpen en la 21a de aŭgusto 1911
30. Monato, Jean-Louis Madzella/pg: Plezuro elsakigita, 2006
31. Monato, Petro De Smet': Sidante en pudingo, mi alvokas miajn savantojn!, 2008
beloruse:
рыхтавацца, падрыхтавацца
bulgare:
приготви се
france:
se mettre en condition, se préparer
germane:
1. sich vorbereiten

senprepara  

Ne preparita, aranĝata en la momenta situacio: senprepara tradukado de teksto; deklami versaĵon ĵus senprepare verkitan [32]; amuzan aranĝon ŝi aldonis senprepare post la fino de la kanto [33]. VD:ekstemporalo, improvizi
angle:
unprepared
beloruse:
без падрыхтоўкі, непадрыхтаваны
bulgare:
неприготвен
ĉeĥe:
bez přípravy (adj.)
france:
impromptu, improvisé
germane:
unvorbereitet
hungare:
előkészítetlen, villám- (pl. dolgozat)
nederlande:
onvoorbereid
ruse:
без подготовки, неподготовленный
slovake:
nepripravený
svede:
oförberedd

administraj notoj