¹rendevu/o

1.

Interkonsento pri renkontiĝo en difinitaj loko kaj tempo: mi petis rendevuon[1]; li ekbabilis pri sia […] koramikino kaj ties prefero aĉetumi en komercaj centroj anstataŭ esti akurata kiam ili havis rendevuon por iri vespermanĝi [2].

2.

Renkontiĝo laŭ antaŭa interkonsento en difinitaj loko kaj tempo: mi vidas ke mi ĝenis / vin dum ĉarma rendevu' [3]; vi certe interesiĝas pri tio, kun kiu mi renkontiĝos en Varsovio […] estos peza rendevuo [4]; li ne kuraĝis inviti knabinon al rendevuo [5]; ili havis oftan kontakton, kaj dum la rendevuoj ili havis ĝojan tempon [6]; manifestaciantoj pace atendis ekster la rendevuejo de la prezidantoj [7].

1.

Konsente aranĝi renkonton en difinitaj loko kaj tempo: Dik, feliĉa pri l' konker', kun ŝi por morgaŭ rendevuis [8]; ĉu ne estas peko rendevui kun virino, kiu jam siatempe, eĉ se ŝi neniam malkaŝe tion eldiris, evidente tre ŝatis enamiĝi al li [9]?

2.

Renkontiĝi laŭ antaŭa interkonsento en difinitaj loko kaj tempo: la radioaparatoj / de l' najbaroj monologas ..... […] mi humile / benas bonon de l' progreso, / sed [jen] laŭtparolile / rendevuis al kongreso [10]; IRU FOR / NENIE JE NENIU HOR' / VI RAJTAS RENDEVUI MIN [11].

Loko interkonsentita por renkontiĝo: ĉi tiu ridetanta leono fariĝis jaron post jaro fama rendevuejo por la filipinanoj migrintaj en Honkongo [12]; kiam mi alvenis en la kutiman rendevuejon, ŝi jam atendis min salutanta per promesplena rideto [13]; la trafikcirklo d-ro Zamenhof [...] montriĝis ege utila kiel rendevuloko [14].

Renkontiĝo kun homo, pri kiu oni ame interesiĝas, por taksi la taŭgecon kiel ampartnero unu de la alia kaj/aŭ por amuziĝi: se estas la unua amrendevuo vi povus elpensi liston de temoj por priparoli, nur por eviti malkomfortajn silentajn paŭzojn [15]; bonvolu doni al mi unu kondomon - mi havas amrendevuon kun mia koramikino [16]; mi ne trovis en [lia poŝa notlibro] ion specialan, krom la fakto, ke regule troviĝas mencio de horo sekvata de triangulo. tio povas esti banalaĵo, eble amrendevuo. [17].

Rim.:Oni ofte uzas simple la vorton rendevuo ĉi-sence, sed fojfoje oni uzas la pli precizan vorton amrendevuo. Ĝi estas plej utila se nur per la kunteksto ne estus klare, ke temas pri tia tipo de rendevuo.