3rok/o

roko   Vikipedio

1.
Granda ŝtono nature firme fiksita en iu loko: tie kuŝis grandaj blokoj da roko, ĉirkaŭkreskitaj de musko [1]; ŝi sidis sur roko antaŭ granda kaverno [2]; ĉirkaŭhakitaj pecegoj da granito, ĉiu el ili estas peco da roko [3]; sur ĉi tiu roko mi konstruos mian eklezion [4]; tie staras rokoj, kies strangajn formojn donis la ventoj kaj tajdoj [5]; multaj devis foriri al la montaro, kie inter altaj rokoj ili ĝisvivis la 17an jarcenton, miksiĝinte kun la indiĝena loĝantaro [6]; (figure) konstrui sur roko (fari ion solidan, fortikan) [7].
2.  
(evitinde) GEOL Rokaĵo2: la akvo malfortigas la rokojn kaj faciligas ilian diseriĝon [8].
1. H. C. Andersen, trad. L. L. Zamenhof: Fabeloj, vol. 2, Sonorilo
2. H. C. Andersen, trad. L. L. Zamenhof: Fabeloj, vol. 1, Sovaĝaj cignoj
3. H. C. Andersen, trad. L. L. Zamenhof: Fabeloj, vol. 4, Historio el la dunoj
4. La Nova Testamento, Mateo 16:18
5. Monato, Josette Ducloyer: Francio: Quimper
6. Monato, Vjaĉeslav (Slavik) Ivanov: La oseta lingvo
7. La Nova Testamento, Mateo 7:24
8. W. F. Rolt: El la Polvo de la Tero, 1967
angle:
rock
beloruse:
скала
bulgare:
скала
ĉeĥe:
rock, rocková hudba
france:
roc, rocher
germane:
1. Fels
hebree:
אבנים
hispane:
roca
hungare:
szikla
nederlande:
rots
portugale:
rocha, pedra
ruse:
1. скала
slovake:
rocková hudba

roka

El rokoj: vi vidas tie la rokan muregon kaj la grandan kavernon [9]; la forta roka insulo staras meze de la bruanta maro [10]; en roka golf’ la ŝipon ili kaŝis Ifigenio ; [la] kastelo ĉiam ankoraŭ staris senŝanĝe alte supre sur sia roka altaĵo [11].
germane:
felsig

rokaĵo

1.
Aranĝo el naturaj aŭ cementaj ŝtonpecoj: el la arbaro de la mezmontaro punktece riveliĝas ĉiuformaj rokaĵoj, kreitaj el la erozio de sabloŝtonaj tavoloj [12].
2.  
GEOL Natura amaso da mineraloj, pli aŭ malpli homogena, kiu formas apartan korpon en la terkrusto: la terecaj planedoj konsistas el rokaĵoj; rokaĵo konsistanta el ŝtonetoj aglomeritaj en cimento [13]; la tri ĉefaj grupoj estas: 1 magmo-devenaj rokaĵoj (magmorokaĵoj aŭ magmaĵoj), 2 sedimentad-devenaj rokaĵoj (sedimentoj, sediment-rokaĵoj), 3 metamorfozo-devenaj rokaĵoj (metamorfaĵoj) [14]; bazalto estas vulkana, plej ofte nigra rokaĵo, kiu konsistas el mikso el fer- kaj magnezi-silikato, oliveno, pirokseno kaj plagioklazo [15].
Rim.:Rokaĵo estas registrita en la 3ª Oficiala Aldono al la Universala Vortaro kaj troveblas ekz. en Boirac (1909). Aliflanke, Sugimura (1958) aplikas por la nocio la plursencan vorton roko […] Jen estas konstatebla forta influo de la angla, franca, hispana k.a. lingvoj, kiuj ne kapablas termine distingi Felsen disde Gestein. La ĝenan ambiguecon de la fr: roche kaj en: rock klare perceptis Gérard […] kaj inventis la malbonŝancan terminon petro“. [16].
12. Monato, Franz-Georg Rössler: Palatinata rokolando
13. Monato, Petro De Smet': Sidante en pudingo, mi alvokas miajn savantojn!
14. E. Dudich: Ĉu vi konas la Teron?, Budapeŝto: SEC de UEA, 1983, p. 50
15. Vikipedio, Bazalto
16. Josef Kavka: Terminologia komunikado inter geologoj-esperantistoj, Akademiaj Studoj, 1988–1990. Balieboro: Esperanto Press. P. 92–93.
ĉeĥe:
2. hornina
germane:
1. Felsformation 2. Gestein
ruse:
1. альпийская горка, рокарий, искусственная скала 2. горная порода

administraj notoj