¹rubus/o

1.

Genro el familio rozacoj (Rubus), dorna arbedo kun ruĝaj aŭ nigraj, dolĉaj, manĝeblaj plurfruktoj. Unu ĝia specio estas la frambujo.

2.

Specio de rubuso ¹ (Rubus fruticosus = arbusta rubuso), kun nigra plurfrukto: tio estas tre respektinda alta saliko, sed tuberplena kaj maljuna, en la mezo ĝi estas disfendita, kaj el la kavaĵo elkreskas herbo kaj rubuso [1]; florantaj konvolvuloj kaj trunketaĵoj de rubuso, en formo de longaj girlandoj pendis inter la arboj [2]; la abeloj zumadis ĉirkaŭ la antikva juĝloko, la volvotrunkoj de rubuso volviĝis super la oferaltaro, kiu, lavita de la pluvo, brilis en la lumo de la suno [3]; rubusaj longaj branĉoj etendis sin super la malnovaj ŝtonoj [4]; rubusarbeto [5].

floroj kaj folioj de nigra rubuso

3.

Rubusbero: mi plantis rubusujon kaj mi atendas nun: ĉu iam mi manĝos rubusojn de sur mia planto [6]; Nina invitis la knabon sidiĝi, kaj ŝi alportis el la domo sukon el rubusoj, pomojn kaj kekson [7]; ni ĉiam trovis kaj manĝis rubusojn kaj arbarajn fragojn, ege bongustajn [8].

Rubuso²: el dornarbetoj oni ne kolektas figojn, nek el rubusujo oni rikoltas vinberojn [9].

Ĥamemoro: marĉa rubuso […] estas en la nordaj landoj inter la plej aprezataj sovaĝaj beroj [10].

La manĝebla frukto de rubuso.