¹satan/o ^JED

1.

Ĉefo de la ribelaj anĝeloj: la Eternulo diris al Satano: de kie vi venas? kaj Satano respondis al la Eternulo, kaj diris: mi vagadis sur la tero kaj rondiradis sur ĝi [1]; ĵetiĝis malsupren la granda drako, la antikva serpento, nomata Diablo kaj Satano, la trompanto de la tuta mondo, ĝi ĵetiĝis sur la teron, kaj ĝiaj anĝeloj ĵetiĝis kun ĝi [2]; kaj okazis, ke la satano tentis lin [3].

2.

Diablo: la uragano kriegis, kvazaŭ aro de satanoj ^FdO ; la satanoj […] elviŝas al si la miljaran fulgon el la okulharoj, kaj miriadoj da kornitaj kapoj elŝovas sin el la fumanta tubo de siaj sulfuraj kamenoj [4]; la satano sendube konas siajn homojn, se li prenis vin kiel makleriston [5]; (figure) esti anĝelo inter homoj, sed satano en la domo ^PrV .

Kultado, adorado de satano: satanismaj simboloj [6]; ĉi-okaze majstro Christoforo vendis sian animon al la Satano, do, li uzas satanismon [7]; [li] opinias, ke tia literaturo pri sorĉistoj instigos la infanojn interesiĝi pri nigra magio, okultismo kaj satanismo [8].

Ano de satanismo: laŭ la biblia kriterio satanisto estas persono ne nur per […] aparteno al iu komunumo, kultanta Satanon, sed jam per tio, ke li ne estas novnaskita kristano laŭ la normoj, starigitaj de Jesuo Kristo [9]; hororfilmoj kun diabloj kaj satanistoj [10].