⁸trajn/o ^PVEF

Vagonaro kun lokomotivo aŭ motorvagono por transporto de personoj aŭ materialo: trivagona trajno [1]; iri hejmen per la malfruvespera trajno [2]; la trajno trapasas grandajn vilaĝojn kaj grandajn urbojn [3]; sur la fervojo inter la stacio kaj la uzino venis trajnoj kun brikoj kaj ligno [4]; [li] ekskuzis sin, ke la tempo ne permesas tian tralegon, ke li devas kapti (atingi) trajnon [5]; por tiu trajno ne necesas rezervi sidlokon [6]; mi vendrede matene alvenas en la stacidomo „Berlin Zoo“, kie mi devas ŝanĝi en trajnon al Pollando [7]. metroo, tramo

Veturi per trajno: sabate, li ien trajnos kaj revenos nur malfrue [8]; la nunaj planoj enhavas truon: ne eblos trajni ekzemple el norda Anglio rekte al Bruselo aŭ Parizo [9].

Eliri el trajnon: pasaĝero eltrajniĝis kaj lasis sian gazeton [10]; mi sukcese eltrajniĝis en la ĝusta stacio, de kie mi devis preni buson [11].

Eniri en trajnon: ĉar mi staras ĉe oportuna loko, mi rapide povas entrajniĝi [12]; ni entrajniĝis en Moskvo kun mia patrino [13].

Trajno portanta kargon de objektoj: longa kargotrajno el bluaj kaj oranĝkoloraj cisternaj vagonoj staras kaj atendas pluan transporton [14]; longa ŝarĝtrajno forlasis la urbon kun valoraj provizvaroj, kiujn la milito suĉis al si [15];

Trajno ŝvebanta supre la relo per magneta forto: per magnettrajno la vojaĝo daŭros nur 10 minutojn je pinta rapideco de 350 km/h [16].

Trajno de la metroo: mi veturas per metrotrajno en la vienan urbocentron [17].

Trajno portanta homojn, vojaĝantojn: neniu pasaĝertrajno haltus, kie ne estas kajo nek signaloj [18]; Kenja prezidento Uhuru Kenyatta merkrede lanĉis la servon de pasaĝertrajno de la 480-kilometra normalŝpura fervojo inter Mombaso kaj Najrobio [19].

Trajno iranta pli rapida ol ordinara kaj haltanta nur en gravaj stacioj: la ekspresa trajno Parizo-Limoĝo [20]; elreligo de rapidtrajno [21]; cent homoj mortis en germana eksprestrajno […] pro unu rompiĝinta rado ^Monato ; post eniro en la ekspresan trajnon „Oriento-Okcidento“ mi denove devas stari en la koridoro [22]; en novaj rapidtrajnoj oni provizu spacon por bicikloj [23].

Trajno kiu veturas nur inter stacioj de urbo kaj eventuale ties ĉirkaŭaĵo, sed alie ol tramo ne surstrate: Munkeno […] preferas konstrui rapidan urbotrajnon, kiu kostus multe malpli kaj kondukus pasaĝerojn ne multe malpli rapide al la flughaveno [24].