¹utopi/o ^PV

1.

Fikcio prezentanta idealan socion, frape kontrastan al la siatempa: mi klarigis al li […] la Utopion de Tomaso Moro (fikcia romano) ^VaK ; la historio ja montris ofte, ke hieraŭa utopio estas hodiaŭa realaĵo ^FSp .

2.

(figure) Neefektivigebla teorio, idealo, ideo: pertaj homoj diras, ke la antaŭuloj ne metadis tabulojn trans rivereto, sekve ĝi estas utopio ^EE ; ni jam tiel ofte aŭdis, […] ke arta lingvo estas utopio [1]; diversajn revojn utopiajn li forĵetis unu post la alia, sed unu ĉefa restis por li ĉiam pripensinda: tio estis la ideo pri unu homa lingvo ^VivZam ; oni ne povas kulpigi la fervojajn inĝenierojn, se troviĝas personoj, kiuj volas uzi la fervojon por iaj celoj utopiaj [2].

Revado aŭ strebado al malfacile efektivigebla pli bona socio: organizado de aranĝoj sufiĉe kontraŭas utopiismon aŭ donkiĥotadon; ĝi estas elstara ekzemplo por reala aplikado de Esperanto [3].

Homo volonte pripensanta utopiojn, pli-malpli naive imaganta idealan socion; revulo: ni tute ne estas tiaj fantaziistoj kaj utopiistoj, kiajn […] nin pentras multaj gazetoj ^EE ; „utopiulo“ […] iniciatis premon, eĉ tutmondan premgrupon por konvinki la „utilajn idiotojn“ de la sistemo [4].

Bildigo de terura, malesperiga mondo, ĝuste kontraŭa al utopio: se aŭtoro montras disvolvigitan bildon de nedezirinda estonteco, tio estas malutopio [5].