tradukoj: be de en es fr hu it nl pl ru sk sv

¹aŭtomat/o

aŭtomato

1.

Maŝino kapabla mem regi ĉiujn, aŭ almenaŭ iujn, siajn funkciojn: disdona aŭtomato, pesaŭtomato; trian fojon ŝi venis al la trinkejo por resti tutan tagon, malpli por konsumi ol por konsumiĝi ĉe la aŭtomato ĉiam mongluta, foje monŝuta [1]. roboto

2.

(En teoria komputiko:) Abstrakta meĥanismo havanta finian nombron da „statoj“; „eksteran memoron“; kaj funkciadon regatan de finia aro da „reguloj“: finia aŭtomato; staka aŭtomato; turinga aŭtomato;

aŭtomata

1.

Funkcianta per meĥanismo aŭ programo sen homa direktado: aŭtomata aparato; por ebligi ... aŭtomatan traserĉadon je citaĵoj [2]; la utila funkcio de la internacia lingvo por la estonteco, ekz-e por la >aŭtomata traduko kaj informprilaborado [3].

2.

(figure) Farita kvazaŭ meĥanike, sen influo de la konscia volo: aŭtomata movo, laboro.

aŭtomate

Laŭ maniero aŭtomata, meĥanika: aŭtomate ripeti; ŝi sin apogis aŭtomate sur lian brakon^Z. aŭtomate la tero donas frukton, unue folion, poste spikon, poste plenan grenon en spiko [4]; la disvastigo de Latino ne devas aŭtomate signifi la elpuŝadon de lokaj lingvoj; mi aŭtomate iĝus ano de diasporo [5].