tradukoj: be de en es fa fr hu nl pl ru sk

8buĝet/o PV , 3budĝet/o PV

buĝeto, budĝeto  

1.
EKON Antaŭkalkulo de la jaraj en- kaj el-spezoj de ŝtato, urbo, kompanio aŭ privatulo: la ministro pri financoj […] prezentis sian trian buĝeton [1]; la ĉefa trajto de la buĝeto por la jaro 2000 estas forta ŝparado de ŝtataj monrimedoj, kiu influos ankaŭ la monujojn de la loĝantaro [2]; la magistrato de la ĉefurbo Prago postulas subvencion el la ŝtata buĝeto je 40 milionoj da kronoj por kovri la kromajn kostojn de deĵoroj de la urbaj policanoj, fajrobrigadanoj kaj sanitaristoj [3]; la buĝeto antaŭvidis la kostojn de esplorado, projektado, disvolvo, konstruo, monitorado kaj gvidado dum unu jaro de medioedukadcentro [4]; trovi eksterbuĝetajn monfontojn [5]. SUP:plano1
2.
Monsumo disponebla por certa celo dum certa tempoperiodo, ekz. estonta jaro, difinita projekto ks: la registaro ŝparos monon ne pagante premiojn el la ŝtatbuĝeto, ne aĉetante aŭtomobilojn por ŝtataj institucioj kaj limigante eksterlandajn oficvojaĝojn de ministroj [6]; pro la nigra merkato de cigaredoj la brita buĝeto ĉiujare perdas ĉirkaŭ 2,5 miliardojn da pundoj [7]; buĝeto de 350 000 kanadaj dolaroj, sumo sufiĉa por nur 20 tagoj da filmado [8]; kial viro ekkonstruis ne profitodonan restoracion aŭ diskotekon, sed preĝejon, kiu alportos neniun monon kaj eĉ elĉerpos la tutan familian buĝeton [9]; la registaro tamen pretendas, ke la nacia edukado-buĝeto altiĝis je pli ol 10 % [10]; la registaro planas tranĉi la buĝeton por superaj studoj je 5,8 milionoj da eŭroj malgraŭ kreskanta financa bezono [11].
3.
EKON La tuta sumo de la jaraj en- kaj el-spezoj: ĝis nun ŝi sukcese gardis la egalpezon de la budĝeto, sed la patro ne ĉiam havas ĉion, kion li bezonas pro sia aĝo kaj malsanemo: nutran manĝaĵon, fruktojn IK ; fari truojn en budĝet' [12]; la buĝetaj deficitoj daŭre malplialtiĝis ĝis 1,6 % de la brutta nacia produkto (BNP) en 1999 [13]. VD:spezo, debito, saldo, bilanco

buĝeti

(tr)
EKON Difini, plani en buĝeto; disponigi certan monsumon por certa celo: la vojaĝkostoj de la estraro […] kostis milojn da eŭroj pli ol estis buĝetite [14]; EU-ŝtatoj trovu akordon pri la maniero kaj buĝetado de interpretado dum kunsidoj de la Eŭropa Konsilio [15].

tradukoj

anglaj

belorusaj

~o, budĝeto: бюджэт.

francaj

~o, budĝeto: budget; ~i: budgéter.

germanaj

~o, budĝeto 1.: Haushaltsplan, Budget, Etat; ~o, budĝeto 2.: Budget, Haushalt, Kostenrahmen; ~o, budĝeto 3.: Haushalt; ~i : budgetieren, finanzieren.

hispanaj

~o, budĝeto 1.: presupuesto; ~o, budĝeto: presupuesto.

hungaraj

~o, budĝeto 1.: költségvetés, büdzsé.

nederlandaj

persaj

~o, budĝeto 1.: بودجه.

polaj

~o, budĝeto 1.: budżet; ~o, budĝeto 3.: budżet, raport finansowy.

rusaj

~o, budĝeto: бюджет.

slovakaj

~o, budĝeto: rozpočet.

fontoj

1. D. E. Rogers: Pri potoj kaj balotoj, Monato, 2002:8, p. 12a
2. Monato, Laimius Straznickas: Litovio: Ĉiea ŝparado
3. Monato, Roland Rotsaert: Internacia kunsido de financistoj en Prago
4. Monato, Ivo Durwael: La rikolto de la nova tempo
5. Monato, Renée Triolle (Reprezentanto de UEA ĉe Unesko): Novaj ideoj ĉe la ideo-laboratorio
6. Monato, Laimius Straznickas: Litovio: Ĉiea ŝparado
7. Monato, Laimius Straznickas: Litovio ― Britio: Kontrabanditaj cigaredoj invadas Brition
8. Monato, Marteno Ecott: Kinarto: Inkubo en kubo
9. Monato, Laimius Stražnickas: Sur propra tereno propra preĝejo
10. Monato, Paul GUBBINS: Taglibro de l' milito ... el la lando de Ŝekspiro
11. Monato, last: Studentoj
12. Raymond Schwartz: La Stranga Butiko
13. Monato, Roland Rotsaert: Eŭropa Unio: Eŭro unujara
14. J. Pietiläinen: Komitato akceptis elspezon de 100.000 eŭroj por retejo, libera folio, 2013-07-26
15. Monato, Marko Naoki Lins: Bruselo-Babelo: lingvo-kulturo en Eŭropa Unio


administraj notoj

pri ~o, budĝeto 3.:
      Mi ne komprenas ĉi tiun difinon. Tian "sumon" de jaraj en- kaj
      el-spezoj mi pli volonte nomus "bilanco".
      [MB]
      Ne. Bilanco montras havaĵojn kaj ŝuldojn, ne
      la spezojn.
      [PP]
    

ℛevo | datumprotekto | bugxet.xml | redakti... | traduki... | artikolversio: 1.21 2019/02/17 10:10:14