tradukoj: be cs de en es fa fr hu nl pl pt ru sk

eksterpol/i [1], ekstrapol/i SPV

eksterpoli, ekstrapoli  

MAT (tr)
(funkcion) Aproksimi ĝin ekster la intervalo entenanta la jam konatajn valorojn per funkcio konstruita surbaze de tiuj konataj valoroj: mezurado de la televid-spektantaro baze ne malsamas al aliaj statistikaj esploroj: oni elektas muestron, analizas ĝin kaj el ties konduto eksterpolas la agadon de la tuta populacio [2]; studo bazita je ekstrapolo de pezo sole el tri plej grandaj ostoj de reprezentantoj de genro de Indricotherium signas, ke tiuj ĉi mamuloj povis pezi eĉ 20 – 30 tunojn [3]. VD:interpoli
Rim.: La termino „eksterpoli“ aperas en ĉiuj niaj fontoj (konantaj la nocion) malgraŭ la kripligo, kiun ĝi prezentas rilate la internacian radikon „ekstrapol“, tamen aperanta ĉi-sence en PIV1 . La paralelo kun „interpoli“ evidentas kaj instigis kelkajn malderivi verbon „poli“, kiun eblus difini kiel „aproksimi nekonatan funkcion per funkcio konstruita surbaze de iuj konataj valoroj de la aproksimota funkcio“. Ni konsideras, ke ĉi-lasta vorto estas senutila, sed, pli grave, ke la preciza senco de „eksterpoli“ kaj „interpoli“ ne evidente deriviĝas de la senco de la vortpartoj. Do tiuj du terminoj prefere restu parencaj nur etimologie.

tradukoj

anglaj

~i, ekstrapoli: extrapolate.

belorusaj

~i, ekstrapoli: экстрапаляваць.

ĉeĥaj

~i, ekstrapoli: extrapolovat.

francaj

~i, ekstrapoli: extrapoler.

germanaj

~i, ekstrapoli: extrapolieren.

hispanaj

~i, ekstrapoli: extrapolar.

hungaraj

~i, ekstrapoli: extrapolál.

nederlandaj

~i, ekstrapoli: extrapoleren.

persaj

~i, ekstrapoli: برون‌یابی کردن.

polaj

~i, ekstrapoli: ekstrapolować.

portugalaj

~i, ekstrapoli: extrapolar.

rusaj

~i, ekstrapoli: экстраполировать.

slovakaj

~i, ekstrapoli: extrapolovať.

fontoj

1. Raoul Bricard: Matematika Terminaro kaj Krestomatio, p. 20
2. Monato, Hektor Alos i Font: Spektantoj spektataj
3. Vikipedio, Rekordoj de mamuloj


ℛevo | datumprotekto | ekster2.xml | redakti... | traduki... | artikolversio: 1.12 2019/03/24 21:10:15