tradukoj: be bg cs de en es fr hu pl pt ro ru sk

1faz/o PV

fazo  

1.  
Ĉiu el la difinitaj sinsekvaj statoj en la evoluado de fenomeno; stadio5: fazoj de malsano, de milito; dum la nuna ekspozicio de la bildoj de Miró oni prezentas [...] verkojn el ĉiuj liaj kreaj fazoj [1]; li estis ankaŭ prezidento de Jugoslavio en ties lasta fazo en 1991 [2]; la landojn por la senŝuldiga programo oni pritaksas en du fazoj: unue ili devas pruvi la kapablon singardeme mastrumi [...] en la dua fazo ili devas redukti la malriĉecon [3].
a)
AST Perioda aspektoŝanĝo en turniĝo de astro: en kiu fazo estas la luno [4]; plenluno nomiĝas la fazo, dum kiu la tuta luno estas plene prilumata, novluno la fazo, dum kiu la luno estas apenaŭ videbla, ĉar tute en la ombro de la tero [5].
b)
KEM Iu el la eblaj statoj de materio: solida, flua, gasa: molekulo en la likva fazo akiras sufiĉe da kinetika energio por [...] eniri la gasan fazon [6]; ĉi tie la stabilan fazon reprezentas la papero, pli precize tegaĵo el hidratoj [7].
2.
MATFIZPIV1 Argumento de kosinusa funkcio, ofte figuranta fizikan fenomenon, kiu estas afina funkcio de tempo laŭ la tipo ft; pli speciale la termo φ (origina fazo) en tiu argumento: faza diferenco inter kurentintenso kaj tensio de alterna kurento trairanta kondensatoron; la lumradioj [...] difiniĝas [...] laŭ la amplitudo kaj ondolongo, [kaj] ankaŭ laŭ fazo, en foto, la fazo estas tute forĵetita, en hologramo, kaj amplitudo kaj fazo registriĝas [8].

faza

Rilata al fazo: faza ŝovo, diferenco; faza rapido; la plimulto da lumfontoj estas nesamfazaj, t.e., ne estas faza rilato inter la eligitaj fotonoj [9]; speciala aranĝo el kvar diodoj, kiu transformas alternan kurenton en la rektan uzante ambaŭ fazojn [...] estas konata kiel dioda ponto aŭ unu-faza ponta rektifilo [10].

samfaza

Prezentanta fazan diferencon je 0° (alivorte, kies fazoj egalas unu la alian module ): lasero estas [...] aparato [...] por produkti tre paralelan, unukoloran kaj samfazan faskon de lumradioj [11].

kontraŭfazo

Fazo ŝovita je 180° rilate al la konsiderata: du tuboj estas vibrigitaj en kontraŭfazo sur ilia natura memfrekvenco per magneta propulsbobeno muntita en la mezo [12].

kontraŭfaza  

Prezentanta fazan ŝovon je 180° (alivorte, kun diferenco de fazoj egala al π module ): la du kontraŭfazaj ondoj kompensas, malfortigas unu la alian.

malfaza  

(evitinde) =kontraŭfaza

Rim.: La formon „malfaza“ donas PIV, kaj ĝi efektive estas uzata. Tamen ĝi estas fuŝa, ne temas pri malo de fazo, temas pri kontraŭa fazo (kion cetere klare esprimas la terminoj nacilingvaj). Estas same fuŝe, kiel estus nomi nombrojn kun kontraŭaj signumoj (x kaj -x) „nombroj malsignumaj“. [Sergio Pokrivskij]

tradukoj

anglaj

~o 2.: phase; sam~a: in phase; kontraŭ~o: antiphase, opposite phase, reversed phase; kontraŭ~a: out of phase, phase-delayed.

belorusaj

~o: фаза.

bulgaraj

~o: фаза.

ĉeĥaj

~o: fáze, stádium, časový úsek; sam~a: mající stejnou fázi, resp. nulovou f. diferenci; mal~a: mající opačnou fázi, resp. f. diferenci 180 stupňů.

francaj

~o 1.: phase, étape, stade; ~o 2.: phase; sam~a: en phase; kontraŭ~a: en opposition de phase.

germanaj

~o a: Phase; ~o 1.: Phase, Stufe, Abschnitt, Stadium, Etappe; ~o 2.: Phase; ~o: Phase; sam~a: phasengleich, die gleiche Phase haben, nicht phasenverschoben; kontraŭ~o: Gegenphase; kontraŭ~a: gegenphasig.

hispanaj

~o: fase.

hungaraj

~o: fázis, szakasz.

polaj

~o a: faza; ~o 1.: faza; ~o 2.: faza; ~o: faza.

portugalaj

~o: fase.

rumanaj

~o a: fază; ~o 1.: fază; ~o 2.: fază; ~o: fază.

rusaj

~o a: фаза; ~o 1.: фаза, фазис, стадия; ~o 2.: фаза; ~a: фазовый; sam~a: софазный, находящийся в той же фазе, имеющий ту же фазу; kontraŭ~o: противофаза; kontraŭ~a: противоположный по фазе, находящийся в противофазе.

slovakaj

~o: úsek, štádium; sam~a: majúci rovnakú fázu; mal~a: majúci opačnú fázu.

fontoj

1. Monato, Pentrado: „Mia ateliero estas mia ĝardeno“
2. Monato, Post morto ― nova sorto
3. Monato, Mondaj Financoj: Post la kunsido de financistoj en Prago
4. B. Prus, trad. Kazimierz Bein: La Faraono, vol. 2, Ĉapitro XXIII
5. Vikipedio, Luna fazo
6. Vikipedio, Fazo de materio
7. I. E. Gál: Pri la analizo de proteinoj el nutradologia vidpunkto, Scienca Revuo, 1978:2 (130), p. 61a-70a
8. Vikipedio, Holografio
9. Vikipedio, Lasero
10. Vikipedio, Diodo
11. Vikipedio, Lasero
12. Vikipedio, Fluometro

kontraŭ~a: Mankas dua fontindiko.
kontraŭ~a: Mankas fonto, kiu estas nek vortaro nek terminaro.
mal~a: Mankas dua fontindiko.
mal~a: Mankas fonto, kiu estas nek vortaro nek terminaro.


administraj notoj

pri kontraŭ~a:
    Ĉu la tradukoj germana kaj angla estas ĝustaj?  Temas ne pri
    ajna fazoŝovo, sed pri specifa ŝovo kontraŭa -- ANTIphase,
    GEGENPhase.
    [Sergio]
  

ℛevo | datumprotekto | faz.xml | redakti... | traduki... | artikolversio: 1.26 2017/05/03 16:10:13