tradukoj: be ca de en es fr hu nl pl pt ru

^*fibr/o

^*fibro

1.

Relative longaj kaj maldikaj elementoj, kiuj en laŭlonga kunmeto kun similaj elementoj, konsistigas iujn materialojn aŭ histojn: fibroj de silka fadeno, de kotono, lano aŭ felto; lignaj fibroj; muskola, nerva fibro; cemento kun asbestaj fibroj.

2.

Pli-malpli longa drato, meĥanike ricevita elde iuj substancoj: nilona fibro; vitraj fibroj (uzataj por termika izolado); optika fibro.

3.

(figure) Fibro de la homa korpo, konsiderata kiel sidejo de intima sentemo: kontraŭ tiu ĉi mensoga, malnobla kaj kalumnia kulpigo [...] ni protestas per ĉiuj fibroj de nia koro! [1]; suferado, kiu [...] penetrinte la plej malgrandajn fibrojn de ŝia korpo, bolis en ŝia brusto kaj kapo surde kaj mute, sed senĉese [2]; per ĉiuj fibroj de la animo li ankoraŭ volis alkroĉiĝi al la jam iom post iom malaperanta espero [3].

fibreto

1.

Mallonga fibro.

2.

Longa elemento, glata aŭ striita, de la muskolaj fibroj.

fibriĝi

Fariĝi tia, ke la fibroj apartiĝas el la tuto.

lumfibro

Drato el vitro, plasto k.a., uzata por konduki lumon: vi tajpas [vian mesaĝon kaj ĝi] forflugas kun neimagebla rapido laŭ telefon-kablaj, lumfibraj aŭ satelitaj kanaloj [5]. optika fibro

optika fibro

lumfibro

    Estas strange, ke ekzistas tiu senco, sed ne la pli utila
    nome "apartigi la fibrojn". Mi ne scias, cxu "~igi" povus konveni.
    PIV1 duone solvis la problemon per Z-a "dis~i" (apartigi la
    ~ojn disde la cetero de la sxtofo). Sxajnas al mi, ke la
    paro dis~i/dis~igxi estas pli alloga ol ~igi?/~igxi. [MB]