tradukoj: be cs de en fr hu nl pt ru sk

ikon/o

ikono  

BELAKRI
1.  
En la antikva kaj orienta kristanismo, sankta bildo, tempere farita sur tabuleto, prezentanta (kaj reprezentanta) Jesuon, la Dipatrinon, sanktulon aŭ anĝelon, uzata por preĝi (kontraste al ilustraj bildoj prezentantaj epizodojn el la Sankta Skribo instrucele): ekspozicio de ĝis nun ne elmontritaj ikonoj de ortodoksaj monaĥejoj [1]; en la monaĥejo Sankta Naumo, situanta proksime al Ohrid, oni ekspoziciis famajn ikonojn mezepokajn, kreitajn de albanaj pentristoj [2]; dum ses jaroj laboris masonistoj, ĉarpentistoj kaj ikonopentristoj – kaj denove la kirko reaperis sur la sama loko [3]; (figure) verkoj kaj ikonoj de la „socialisma realismo” [4].
2.
(figure) Adorato, kvazaŭsanktulo: la vidaĵoj de super-ĝojo kaj aflikto de atletoj fakte estas plejparte stimulado de la mito, kiun ni kreas pri ili kiel gloritaj ikonoj de individuismo [5].
SUP:simbolo

ikonismo  

HISKRI
Doktrino kaj praktiko defendanta la uzon de ikonoj kaj relikvoj, precipe kiel opozicio al la oficiala ikonrompismo en Bizancio dum 8-9 jc: dua koncilio de Niceo (787) ― restarigo de ikonismo, kontraŭ ikonoklasmo [6].

ikonisto  

HISKRI
Persono honoranta ikonojn kaj relikvojn, kaj kontraŭanta la ikonrompistojn en Bizancio dum 8-9 jc.

ikonrompismo  

HISKRI
Religia kaj politika movado en Bizancio (8-9 jc), batalanta kontraŭ religia uzo de la ikonoj kaj relikvoj, kiun ĝi egaligis kun idolkulto: ikonrompismo aŭ ikonoklasmo, ankaŭ bildodetruismo markas devene movadon, klopodantan en religio (precipe en kristanismo) forigi religiajn ikonojn [7]; sekve de la ikonrompisma krizo la ortodoksa eklezio difinis, ke kvankam la adorado konvenas sole al Dio (Luko 4:7-8), oni tamen devas honori la ikonojn kaj relikvojn, sen ke tio estu idolkulto (alivorte, Dion oni adoru, la ikonojn oni honoru) [8].

ikonrompisto  

HISKRI
Adepto de ikonrompismo.

tradukoj

anglaj

~o: icon, ikon; ~ismo: iconolatry; ~isto: iconolater; ~rompismo: iconoclasm; ~rompisto: iconoclast.

belorusaj

~o: абраз, ікона.

ĉeĥaj

~o: ikona; ~rompisto: ikonoklast, obrazoborec.

francaj

~o: icône; ~ismo: iconolâtrie; ~isto: iconolâtre; ~rompismo: iconoclasme; ~rompisto: iconoclaste.

germanaj

~o: Ikone; ~ismo: Ikonismus; ~rompismo: Bilderstürmerei; ~rompisto: Bilderstürmer.

hungaraj

~o: ikon; ~ismo: képimádás, ikonolátria; ~isto: képimádó; ~rompismo: képrombolás, ikonoklasztázia; ~rompisto: képromboló, ikonoklaszta.

nederlandaj

~o: icoon.

portugalaj

~o: ícone (cristianismo); ~rompismo: iconoclasmo; ~rompisto: iconoclasta (pessoa).

rusaj

~o: икона; ~ismo: иконопочитание; ~isto: иконопочитатель; ~rompismo: иконоборчество; ~rompisto: иконоборец.

slovakaj

~o: ikona; ~rompisto: ikonoklast, obrazoborec.

fontoj

1. Monato, Evgeni Georgiev: Grekio: Jarmila festego ortodoksa
2. Monato, Bardhyl Selimi: Printempa etoso ĉe la lago de Ohrid
3. Monato, Dmitrij Cibulevskij: Katedralo renaskiĝanta
4. Monato, Bardhyl Selimi: Peniko kaj propagando
5. Monato, Husejn Al-Amily: Elmontri belecon de sporto
6. Vikipedio, Koncilio
7. Vikipedio, Ikonoklasmo
8. Vikipedio, Adorado

~ismo: Mankas dua fontindiko.
~isto: Mankas fontindiko.
~isto: Mankas fonto, kiu estas nek vortaro nek terminaro.
~rompisto: Mankas fontindiko.
~rompisto: Mankas fonto, kiu estas nek vortaro nek terminaro.


ℛevo | datumprotekto | ikon.xml | redakti... | traduki... | artikolversio: 1.21 2019/06/30 18:21:02