tradukoj: be ca de en es fr nl pl pt ru sv

8meĥanism/o Fab4 , 8mekanism/o PV

meĥanismo, mekanismo

1.  
TEK Tuto de la pecoj de maŝinoaparato plenumantaj certan funkcion: la najleto [...] en la granda horloĝa meĥanismo [1]; komputoraj cirkvitoj kaj meĥanismo [2]; Bastjano demandis sin, per kiu meĥanismo tiu speco de ŝipo estas movata, ĉar nek velo nek remilo aŭ helico ekzistis [3]. SIN:meĥanikaĵo; VD:radaro, movilaro.
2.  
(figure) Rimedaro, per kiu plenumiĝas iu ago aŭ funkcio; strukturo de kunaranĝitaj elementoj kaj ilia maniero kune funkcii: meĥanismo de la digestadoB ; la meĥanismo de la lingvoZ , de la penso; la homa biologio evoluis kiel adapta meĥanismo al kondiĉoj, kiuj grandparte ne plu ekzistas [4]; katastrofoj de la pasinta jardeko ne instigis la politikistojn al ĝisfunda repripensado de siaj starpunktoj, ili nur enkondukis aron da pliaj kontrolmeĥanismoj, burokrataĵoj kies utilo estas dubinda [5]; la mekanismoj de infektiĝo kaj vojoj de la transmisio de poliomjelito [6]; por vere ekscii, kies komputilo sendis la viruson, necesas atente studi la kapon de la retmesaĝo kaj scii iom pri la interreta mekanismo [7]; Litovio ekde sia aniĝo en Eŭropa Unio […] tuj komencos intertraktadon pri aliĝo al la mekanismo de valutaj kurzoj [8]. SIN:meĥaniko.
3.  
FIL Filozofia teorio, kiu strebas komprenigi tuton per studado de ĝiaj partoj.

tradukoj

anglaj

~o, mekanismo: mechanism.

belorusaj

~o, mekanismo: мэханізм.

francaj

~o, mekanismo: mécanisme.

germanaj

~o, mekanismo 1.: Mechanismus; ~o, mekanismo 2.: Mechanismus; ~o, mekanismo 3.: Mechanizismus, Mechanistisches Weltbild.

hispanaj

katalunaj

nederlandaj

~o, mekanismo: mechanisme.

polaj

portugalaj

~o, mekanismo: mecanismo.

rusaj

~o, mekanismo: механизм.

svedaj


fontoj

1. H. C. Andersen, trad. L. L. Zamenhof: Fabeloj, vol. 4, Malnova preĝeja sonorilo
2. J. Francis: Misio sen Alveno, tk-stafeto, 1982
3. Michael Ende, trad. Wolfram Diestel: La Senĉesa Rakonto, La Urbo de Imperiestroj
4. Monato, Garvan Makaj: Punkto de malekvilibrigo
5. Monato, Roland Platteau: Ŝira retaksado de la konceptoj
6. Monato, Vladimir Lemelev: Poliomjelito: ĉu la dua tutmonde likvidota infektmalsano?
7. Monato, Paul Peeraerts: Sobig-F
8. Monato, LAST: Planoj de la litova monerstampejo

~o, mekanismo: Mankas verkindiko en fonto.


ℛevo | datumprotekto | mehxan1.xml | redakti... | traduki... | artikolversio: 1.21 2018/11/17 23:10:17