tradukoj: be cs de en es fr hu nl pl pt ru sk

4merkat/o

merkato  

EKON Stato de aĉetpovo kaj aĉetemo pri iu komercaĵo aŭ borsa valoro: la kotonmerkato; tiu varo havas vastan merkaton; serĉi al si novajn merkatojn; la ĉina bilomerkato funkcias kiel barometro de la ekonomio [1]; la multeco de varoj en la merkato puŝas homojn en materialismon [2]; kafo „solidara“ […] konsistigas malpli ol 1 % de la tuta kafomerkato [3]; la konkurenca forto de Usono en la monda eksporta merkato estis pli granda ol tiu de Eŭropo [4]; cigaredojn, kiuj kontrabande trafis la britan nigran merkaton, litovaj krimuloj disvastigas helpe de tie loĝantaj samlandanoj [5]; internacia merkatsistemo [6]; financa merkato (kie oni vendas valutojn) [7]; akcia merkato. TUT:ekonomio
Rim.: Merkato neniam signifas placon aŭ ejon. Kp bazaro.

merkatisto  

EKON Esploristo de merkatoj helpanta difini produktojn taŭgajn por aĉetantoj: duono de la laboro estas helpado por reklamistoj kaj merkatistoj [8]; grenmerkatisto lastan jaron asertis ke Francio facile povas produkti grenojn por nutri dekoble sian propran loĝantaron [9]; libermerkatistoj [10].

enmerkatigi  

(tr)
EKON Surmerkatigi: malgranda firmao […] provis enmerkatigi kurson sur kompakta disko pri aviada lingvo [11]; malperfektaĵoj ekzistas nur en la enmerkatigo [12].

surmerkatigi  

(tr)
EKON Ekvendi novan produkton, aranĝante ĝian prireklamadon, liveradon, uzhelpon: eta kompanio, kiu surmerkatigis komputilan programon, kiu tuj tutmonde furoras, iĝas ege valora [13]; komputila tradukprogramo Atlas, surmerkatigita en 1984 [14]; oni senprokraste sendis skipojn da laboristoj por ekspluati la okron, kiu rapide estis surmerkatigita [15]; kiam la persona komputilo estis disvolvita kaj surmerkatigita en Usono, ĝi estis planita kaj programita por anglalingvanoj [16]. SIN:enmerkatigiVD:lanĉi

labormerkato

EKON Momenta kaj loka stato de dungemo, senlaboreco, salajroj: elastaj labortempoj kreis en la lastaj dek jaroj pli flekseblan labormerkaton [17]; homoj, kiuj apartenas al komunumoj aliaj ol la tradiciaj kristanaj eklezioj, ofte spertas ekskludojn kaj rifuzojn en la labormerkato, eduko kaj aliaj vivokampoj [18]; la ceteraj EU-ŝtatoj, ŝajne, intencas plu rifuzi al „nov-landaj” laborprenantoj liberan aliron al ilia labormerkato, kvankam ĉi tiuj homoj devus ĝui samajn rajtojn [19].

nigra merkato

EKON Kontraŭleĝa merkato sen pago de vendimposto: ekzistas la mondo de la rapida mono, drogo-vendado, nigra merkato [20]; pro la nigra merkato de cigaredoj la brita buĝeto ĉiujare perdas ĉirkaŭ 2,5 miliardojn da pundoj [21]; kvankam bankoj limigas la kvanton de devizoj kunporteblaj, komercistoj trovas solvon kaj ŝanĝas valutojn ĉe la nigra merkato [22].

tradukoj

anglaj

~o: market; ~isto: market researcher; en~igi: to bring to market; sur~igi: to bring to market; labor~o: labor market; nigra ~o: black market.

belorusaj

~o: рынак (як эканамічная катэгорыя); labor~o: рынак працы.

ĉeĥaj

~o: odbytiště, trh; sur~igi: uvést na trh; labor~o: pracovní trh, trh práce; nigra ~o: pokoutní trh, černý trh.

francaj

~o: débouché commercial, marché; ~isto: marketiste, mercatiste; en~igi: commercialiser, lancer (un produit), mettre sur le marché; sur~igi: commercialiser, lancer (un produit), mettre sur le marché; labor~o: marché du travail; nigra ~o: marché noir.

germanaj

~o: Markt; ~isto: Marktforscher; en~igi: in den Markt bringen; sur~igi: auf den Markt bringen; labor~o: Arbeitsmarkt; nigra ~o: Schwarzmarkt.

hispanaj

~o: mercado; ~isto: analista de mercado; en~igi: comercializar; sur~igi: comercializar; labor~o: mercado de trabajo; nigra ~o: mercado negro.

hungaraj

~o: piac.

nederlandaj

~o: markt, afzetgebied; en~igi: commercialiseren, op de markt brengen; sur~igi: commercialiseren, op de markt brengen; labor~o: arbeidsmarkt; nigra ~o: zwarte markt.

polaj

~o: rynek (ekonom.); en~igi: wprowadzać na rynek; sur~igi: wprowadzać na rynek; labor~o: rynek pracy; nigra ~o: czarny rynek.

portugalaj

~o: mercado (econ.).

rusaj

~o: рынок (экономическое понятие); en~igi: выпустить на рынок; sur~igi: выпустить на рынок; labor~o: рынок труда.

slovakaj

~o: odbytište, trh; sur~igi: uviesť na trh; labor~o: trh práce; nigra ~o: čierny trh.

fontoj

1. Huang Tingsheng: La ĉina bilomerkato, Monato, jaro 2001a, numero 8a, p. 10a
2. Monato, Kanado
3. Monato, Komercismo
4. Monato, Roland Rotsaert: Eŭropa Unio: Eŭro unujara
5. Monato, Laimius Straznickas: Litovio ― Britio: Kontrabanditaj cigaredoj invadas Brition
6. Monato, Komercismo
7. Monato, Roland Rotsaert: Eŭropa Unio: Eŭro unujara
8. Kronostar: Asistanto por ĝenerala direktoro, Eklaboru!, 2006-11-17
9. Monato, Reen al la edena paradizo
10. Monato, Donald Rogers: Nov-Zelando: Laborema koalicio
11. Monato, Garbhan MACAOIDH: Flugilhavaj vortoj
12. E. Georgiev: Aŭstrio: lando de ekologia kultivado, Monato, jaro 1997a, numero 9a, p. 19a
13. R. Rotsaert: Piramidaj investoj..., Monato, jaro 1997a, numero 7a, p. 24a
14. Monato, Perkomputila Tradukado: Universala Retlingvo
15. Monato, Robert Roze: Francio: Flagrantaj koloroj
16. Monato, Garbhan MacAoidh: Plurlingva tekstoprilaborado
17. E. Georgiev: Pli maljunaj, pli saĝaj..., Monato, jaro 1999a, numero 3a, p. 18a
18. Monato, Istvan Ertl: Dio en la konstitucio, diablo en la detaloj
19. Monato, István Ertl: Pri orientiĝo kaj okcidentiĝo
20. J. Schram: Re: Mortpuno, soc.culture.esperanto, 1998-04-20
21. Monato, Laimius Straznickas: Litovio ―Britio: Kontrabanditaj cigaredoj invadas Brition
22. Monato, Henriel Fidilalao: Ĉine, ĉu ne?


ℛevo | datumprotekto | merkat.xml | redakti... | traduki... | artikolversio: 1.32 2017/12/17 14:10:13