tradukoj: de

rezid/i

rezidi

1.  
Oficiale loĝi: tiu preĝeja pentristo, kiu fine de sia vivo, vaste agnoskita, rezidis en Romo [1]; Claude Piron naskiĝis belgo kaj iĝis svisa civitano nur en 1978, sed li longe rezidis en Ĝenevo [2]; ili devas atingi sian rezidan komunumon en la patrujo, okaze de la diversaj balotoj [3]; Moskvo […] estas dense loĝata: 11,5 milionoj da homoj tie rezidas [4];
2.  
POL (pp ŝtatesto) Oficiale en iu loko funkcii, ofici: (figure) ankoraŭ rezidas en justicoficoj tro multaj „iamaj kamaradoj” [5].

rezidejo

1.  
Oficiala loĝejo: eksterlande rajtas voĉdoni nur civitanoj, kiuj pro grava kialo lokis oficiale kaj definitive sian rezidejon en alian landon [6].
2.  
POL Loko, kie ŝtatestro oficiale oficas kaj reprezentas: la ĉefministraj oficejo kaj rezidejo najbare situas proksime al la parlamento kaj administraj ministrejoj en la centro de la ĉefurbo [7]; Sintra – perlo de Portugalio […] estis somera rezidejo de portugalaj reĝoj en la mezepoko [8]; li konstruigis „malgrandan Versajlon” (laŭ la ekzemplo de la fama rezidejo de francaj reĝoj apud Parizo) [9]; rezidejo de la irlanda ŝtatprezidanto [10]; la registaro proponis al Adamkus neuzatan ĉefministran rezidejon – preskaŭ samgrandan kiel la prezidanta rezidejo [11]. SUP:oficejo, reprezentejo
3.
(evitinde) Reprezentejo: rezidejo […] de usona ambasadoro [12]; ĉiam pli da sekretaj servoj lokis sian rezidejon en Vieno [13].

tradukoj

germanaj

~i 1.: wohnhaft sein; ~i 2.: residieren; ~ejo 1.: Wohnsitz; ~ejo 2.: Amtssitz, Residenz.

fontoj

1. Monato, Rita Rössler-Buckel: Metio kaj formo tradicio kaj progreso
2. Monato, Carlo Minnaja: Ĉe l' koro de Eŭropo ...
3. Monato, Roberto Pigro: Laŭtiĝas voĉoj por voĉdoni
4. Monato, Mihail Korotkov: Bridi la monstron
5. Monato, Stefan Maul: Naŭzita de koruptado
6. Monato, Roberto Pigro: Laŭtiĝas voĉoj por voĉdoni
7. Monato, Isikawa Takasi: Fantomo-domo
8. Monato, Tatjana Loskutova: Vojaĝo en Iberio
9. Monato, Roland Rotsaert: Vizito al Novarto-urbo Nancy
10. Monato, Garbhan MacAoidh: Kara antikva malpura Dublino
11. Monato, Last: Pri (p)rezidejoj
12. Monato, Garbhan MacAoidh: Kara antikva malpura Dublino
13. Monato, Evgeni Georgiev: Malsekretaj sekretoj


ℛevo | datumprotekto | rezid.xml | redakti... | traduki... | artikolversio: 1.1 2019/09/13 20:10:16