tradukoj: be cs de en es fr hu nl pl pt ru sk

2romantik/a

romantika

1.
(pri homo:) Por kiu sentimentoj, idealoj aŭ revoj pli gravas ol la racio, realo kaj la praktikaj konsideroj: poetoj kaj romantikaj turistoj certe tre malbenas la kamentubon [1]; ili freneze plaĉas al romantikaj provincaninoj TermKurs .
2.
(pri aĵo:) Kiu igas homon romantika1 aŭ estas parto de tiastata percepto: poste venis ankoraŭ unu sukeraĵisto kaj pendigis ... super sia tendo sonorilon ... Kiam la homoj iris returne hejmen, ili opiniis, ke estis tre romantike [2]; la Esperantista Kultur-Centro „Kvinpetalo“ ... situas en trankvila vilaĝo, meze de regiono riĉa je romantikaj monumentoj [3]; la malnova romantika idearo pri „nacio“ kiel io difinita objektive laŭ rasaj, religiaj aŭ lingvaj kriterioj cedas al pli dinamika pritrakto [4].
3.  
Romantikisma: la scienculoj parolas pri skolo klasika kaj skolo romantika [5].

romantiko

1.
La cirkonstancoj, aventuroj, medio aŭ idearo romantikaj: Hay Stockard rigardis la celebron, kun sarkasma malaprobo: la romantiko kaj soleneco de tio neniom tuŝis lian praktikan animon [6]; lin ĉiam logis la romantiko de foraj vojaĝoj.
2.  
=romantikismo

romantikismo  

1.  
FIL Mondopercepto en kiu la sentimenta, subjektiva, kreema romantiko pli gravas ol la racio, prudento kaj realo: romantikismo aperis kiel reago kontraŭ klerismo en filozofio kaj klasikismo en artoj; plej klare kaj tipe la romantikismo montriĝis en Germanujo, en la unua kvarono de la 19a jc; ekzistadismo estas moderna speco de romantikismo filozofia.
2.
BELABELEMUZ Arta stilo prospera en la eko de la 19a jarcento, favoranta romantikan etoson, ne-obeon al klasikaj ŝablonoj, intereson al sovaĝa naturo, historiaj kaj ekzotaj temoj, naciaj popolaj tradicioj.
SIN:romantiko, romantismo

romantikisma  

Rilata al romantikismo.

romantikisto  

Adepto de romantikismo, romantikismano: la reĝo de la orgeno, la granda dana romantikisto, ĉi tie dormas, la verkinto de niaj plej belaj popolaj kantoj [7].

romantikulo  

Homo sentema al romantiko: la „revoluciaj romantikuloj“ en NKVD [8]; elreviĝoj de nemodernigita romantikulo [9]; „La romantikulo en la XX-a jarcento“ (librotitolo). [10].

tradukoj

anglaj

~a: romantic; ~o: romanticism; ~ismo: romanticism; ~isma: romantic; ~isto: romantic; ~ulo: romantic.

belorusaj

~a: рамантычны; ~o 1.: рамантыка; ~ismo: рамантызм; ~isma: рамантычны; ~isto: рамантык; ~ulo: рамантык.

ĉeĥaj

~a: romantický; ~ismo: romantizmus; ~isto: romantik; ~ulo: romantik.

francaj

~a: romantique (adj.); ~ismo: romantisme; ~isma: romantique (adj.); ~isto: romantique (membre du mouvement); ~ulo: romantique (homme de tempérament).

germanaj

~a: romantisch; ~ismo: Romantik; ~isma: romantisch; ~isto: Romantiker; ~ulo: Romantiker.

hispanaj

~a: romántico.

hungaraj

~a: romantikus; ~o 1.: romantika, romantikusság; ~ismo: romantika (stílusirány), romanticizmus; ~isto: romantikus; ~ulo: romantikus.

nederlandaj

~ismo: romantiek.

polaj

~a: romantyczny; ~o: romantyzm; ~ismo: romantyzm; ~isma: romantyczny; ~isto: romantyk.

portugalaj

~a 1.: romântico.

rusaj

~a 1.: романтичный; ~a 2.: романтический; ~a 3.: романтический; ~o 1.: романтика; ~ismo: романтизм; ~isma: романтический; ~isto: романтик; ~ulo: романтик.

slovakaj

~a: romantický; ~ismo: romantizmus; ~isto: romantik; ~ulo: romantik.

fontoj

1. E. Lanti: Vortoj de k-do Lanti, La kamentubo.
2. H. C. Andersen, trad. L. L. Zamenhof: Fabeloj, vol. 1, Sonorilo
3. La Ondo de Esperanto, 1999:1(51)
4. B. Hekland: Plebaj komentoj, La Ondo de Esperanto, 2000:10
5. H. C. Andersen, trad. L. L. Zamenhof: Fabeloj, vol. 3, Post jarmiloj
6. J. London, trad. Reto Rossetti: Dio de liaj prapatroj, NLR, 1.4.
7. H. C. Andersen, trad. L. L. Zamenhof: Fabeloj, vol. 3, Peco da perlovico
8. B. Kolker: Poeto de amo kaj revolucio, Monato.
9. Spiros Sarafian: La Gazeto n-ro 79, 1999-12-15, p.13.
10. Arnau Torras Tutusaus (1966). Zagreb: Studenta E-Klubo, 1996. ISBN 953-96912-1-4.

~o: Mankas dua fontindiko.
~ismo: Mankas fontindiko.
~ismo: Mankas fonto, kiu estas nek vortaro nek terminaro.
~isma: Mankas fontindiko.
~isma: Mankas fonto, kiu estas nek vortaro nek terminaro.
~isto: Mankas dua fontindiko.
~ulo: Mankas verkindiko en fonto.


ℛevo | datumprotekto | romant.xml | redakti... | traduki... | artikolversio: 1.25 2018/06/20 02:10:15