tradukoj: be bg ca cs de en es et fr hu id nl pl pt ru sk sv tr

8televid/i

televidi PIV1  

Spekti televidon2: vi ne pensas pri batataj manifestaciantoj, kiujn vi televidis dum la lastaj kvereloj [1]; de longa tempo oni ne aŭdis, legis aŭ televidis pri fizikaj atakoj de aŭstroj kontraŭ ne-aŭstroj [2]; ni televidis la „litojn” de tiuj ĵurnalistoj en usonaj kaj britaj tankoj kaj iliajn raportojn [3]; komputado, televidado kaj legado en la ĉambro ne malfermas la naturan mondon al lernantoj kaj sekve ne kondukas tiujn al scienco [4]; akompanas ĉiun satelitan televidprogramon pluraj sonkanaloj, […] la televidigistoj plenigas siajn sonkanalojn per radioprogramoj, kiuj neniel rilatas al la precipa televida programo [5].

televido  

TEL
1.  
TEK La ĝenerala aranĝo kaj maŝinaro, per kiu oni defore sendas kaj ricevas movbildojn kaj sonon: varsovia solenaĵo, kiun oni povis spekti en la televido kaj aŭskulti en la radio [6]; la baza ideo en ĉifrado de analoga televido estas, ke oni sendas la bildon en malĝusta ordo [7]; televidekranoj [8]; televidstacio [9].
2.  
La la programoj kaj sendaĵoj, produktataj kaj sendataj per tiu teĥniko: anglaj televidkanaloj [10]; kaj eĉ se mi devas pasigi multajn vesperojn aŭskultante liajn priskribojn de la vivo en aliaj epokoj, tio estas malpli enuiga ol televido [11]; li vidis raporton pri Seborgo en usona televido [12]; dum la tuta tago la televido montras, kio okazas tra la tuta lando [13]; en niaj gazetoj kaj televidoj aperas nur la „oficialaj“ informoj kaj komentoj [14]; la najbaroj delonge estis revenintaj de la laborejoj kaj nun eble ili vespermanĝis aŭ spektis televidon [15].
3.  
(malofte) (evitinde) Televidilo: la infano tuj ŝaltis la televidon kaj eksidis antaŭ ĝi [16].

televida

Rilata al televido: televidaj kaj radiaj steluloj [17]; televida diskutado [18]; televida sapodramo [19]; kolortelevidaj programoj [20]; apudtelevida sonkanalo [21]; televida fakfirmo [22]; televidaj elsendoj [23]; televidaj reklamoj [24]; hungara televida politiko [25]; alta televida turo [26]; televida kompanio [27]; en la kamparo la televida signalo estas tiel malforta, ke oni tute ne povas ricevi programon [28]; episkopo klarigis al televida ĵurnalisto, ke oni aranĝos kandelan diservon [29].

televidaĵo  

Aparta filmo aŭ elsendaĵo televida: mi ne estis certa pri la ĵargono, mi estis lerninta ĝin el malnovaj televidaĵoj [30]; se temus pri televidaĵo, oni antaŭanoncus: ni avertas, ke la ĉi-sekva programo enhavas scenojn, kiuj povus animskui spektantojn [31]; franca skipo finfilmis televidaĵon [32].

televidilo PIV1  

Aparato per kiu oni spektas televidon2: eĉ la tujtradukado de la Francaj novaĵoj el la hotela televidilo ne plu savis lin de la stigmato [33]; en tiuj cirkonstancoj kompreneble ne estas bezono je kolortelevidilo, lavmaŝino, fridujo [34]; la pelvo konektiĝu al la satelitricevilo kaj la ricevilo al la hejma televidilo [35]; aparatoj kiel retaliriloj aŭ surtelevidilaj skatoloj, ankoraŭ ne aperis en la merkato [36].

televidprogramo  

Programo sendata per televido1: popularaj televidprogramoj [37]; populareco de iu televidprogramo por etinfanoj [38]; de la televidprogramaro, kiun la satelito dissendas, oni elektu la programon [39].

kablotelevido, kabla televidoPIV2  

TEL Televida sistemo, en kiu la programoj estas dissendataj al la klientoj pere de kabloj. iuj retservoj estas proponataj de telefonfirmaoj, kiuj uzas Interreton por allogi klientojn al siaj aliaj komunikaj servoj: telefonado kaj kablotelevido [40]; estis enkondukita kabla televido kun promeso pri pli bonkvalitaj bildo [41].

tradukoj

anglaj

~i : watch television; ~o: television, T.V.; ~ilo : television set, T.V. set; kablo~o, kabla ~o: cable television.

belorusaj

~i : глядзець па тэлевізіі ; ~o: тэлевізія; ~ilo : тэлевізар.

bulgaraj

~i : гледам телевизия ; ~o: телевизия; ~ilo : телевизор.

ĉeĥaj

~i : dívat se na televizi, sledovat televizi; ~o: televize; ~ilo : televizor; kablo~o, kabla ~o: kabelová televize.

estonaj

~ilo : televiisor.

francaj

~i : regarder la télévision; ~o: télé, télévision; ~aĵo: émission de télévision; ~ilo : téléviseur, télévision (téléviseur); kablo~o, kabla ~o: télévision par câble, câble.

germanaj

~i : fernsehen; ~o: Fernsehen; ~a : Fernseh-; ~aĵo : Fernsehsendung, Sendung (Fernsehen), Beitrag (Fernsehen); ~ilo : Fernseher, Fernsehgerät, Empfänger (Fernsehen); ~programo : Fernsehprogramm; kablo~o, kabla ~o : Kabelfernsehen.

hispanaj

~i : ver la televisión; ~o: televisión; ~ilo : televisor; kablo~o, kabla ~o: televisión por cable.

hungaraj

~i : tévézik, televíziózik; ~o: televízió, tévé; ~ilo : tévé, tévékészülék; kablo~o, kabla ~o: kábeltévé.

indoneziaj

~o: televisi, TV; ~ilo : televisi, TV; kablo~o, kabla ~o: TV kabel.

katalunaj

~i : mirar la televisió; ~o: televisió; ~aĵo: programa, espai televisiu; ~ilo : televisor; kablo~o, kabla ~o: televisió per cable.

nederlandaj

~i : televisie kijken; ~o: televisie; ~ilo : televisietoestel.

polaj

~i : oglądać telewizję, siedzieć przed telewizorem (pot.), gapić się na telewizor (pot.); ~o 1.: telewizja, TV; ~o 2.: oglądanie telewizji, siedzenie przed telewizorem (pot.), gapienie się na telewizor (pot.); ~aĵo: audycja telewizyjna, program telewizyjny, program TV; ~ilo : odbiornik telewizyjny, odbiornik TV, telewizor; kablo~o, kabla ~o: telewizja kablowa, TVK.

portugalaj

~i : ver televisão, assistir à televisão.

rusaj

~i : смотреть по телевидению ; ~o: телевидение; ~ilo : телевизор; kablo~o, kabla ~o: кабельное телевидение.

slovakaj

~i : sledovať televíziu; ~o: televízia; ~ilo : televízor; kablo~o, kabla ~o: káblová televízia.

svedaj

~i : se på television; ~o: television, TV, teve; ~ilo : TV-mottagare, TV, teve; kablo~o, kabla ~o: kabel-TV.

turkaj

~ilo : televizyon; kablo~o, kabla ~o: kablo TV.

fontoj

1. Monato, Walter Klag: Batita kremo kaj akvoĵetiloj
2. Monato, Maul, Stefan: GERMANIO: Brutalaj dekstruloj
3. Monato, Sincere via Stefan Maul: Milit-litoj
4. Monato, Hori Jasuo: Premioj kaj premoj
5. Monato, Radio
6. Monato, Ĉu reiri al naciaj radikoj?
7. Franck Arnaud: Preterleĝa televidado en Eŭropo, Monato, n-ro 03/1999
8. Monato, Alberto García Fumero
9. Monato, Japanio: Takasugi Sinsaku: Novjara klaĉo super konjako
10. Monato, Thierry Salomon: La mondolingvo
11. William Auld: Tempo fuĝas , Monato, n-ro 01/1987
12. Monato, Seborgo: Urbeto aŭ sendependa lando?
13. Monato, Pollando: Kiam orkestro fariĝas orkesto
14. Monato, Guido Van Damme: Naŭ kontraŭbatoj
15. Julian Modest: En la ombro de la silento , Monato, n-ro 03/1997
16. Julian Modest: En la ombro de la silento , Monato, n-ro 03/1997
17. Monato, Britio
18. Monato, Naziaj kruelaĵoj
19. Monato, Apenaŭ Tri-umfo
20. Monato, Radio
21. Monato, Radio
22. Monato, Radio
23. Monato, Boris Kolker: Plia libro biblia
24. Monato, Roland Rotsaert: Petrolo: Nehaltigeblaj prezaltiĝoj
25. Monato, Apenaŭ Tri-umfo
26. Monato, Last: Malmiraklo prilumita
27. Monato, Ĉeĥio: Mur-muras rasismo
28. Monato, Mu Binghua: Elektraj aparatoj mankas en la kamparo
29. Monato, Paul Gubbins: Britio: Doktoro Morto
30. Harry Harrison, trad. Reinhard Fössmeier k.a.: Naskiĝo de la rustimuna ŝtalrato, ĉapitro 2a
31. Monato, Donald Broadribb: Romanforma aŭtobiografio koŝmariga
32. Monato, Laimius Stražnickas: En ĉiu malbono ...
33. Pejno, Simono: La lernemulo, Monato, n-ro 06/1999
34. Mu Binghua: Elektraj aparatoj mankas en la kamparo, Monato, n-ro 12/2000
35. Monato, RADIO
36. Monato, Franck Arnaud: Intel alfrontas konkurencon
37. Monato, Christian Declerck: Spirituala materialismo
38. Monato, Garvan Makaj: Punkto de malekvilibrigo
39. Monato, Radio
40. Monato, Edmund Grimley Evans: Interreto: Interreto senpage
41. Monato, Jean Pierre VandenDaele: De analogo al cifereco: evoluo de persona historio


ℛevo | datumprotekto | televid.xml | redakti... | traduki... | artikolversio: 1.24 2018/11/14 13:10:17