¹deklar/i ^JED

(tr)

Oficiale, publike aŭ formale sciigi: deklari militon al iu; li fikse rigardis ŝin kaj deklaris, ke estas granda honto, ke ŝi estas tiel ĉifone vestita [1]; li kutimvoĉe deklaris la tagordon kaj avertis, ke la sukceso dependos de la reciproka konfido ^Metrop ; mi opinias mia devo deklari al vi, ke mi ne konsentas kun vi [2]; la marŝalo de la nobelaro deklaris al ĉiuj kaj al ĉiu, ke li venis sole por honori lin [3]; li deklaris ankaŭ, je granda miro de la ĉeestantoj, ke li decidis prokrasti por ia tempo la projekton [4]; oni deklaris ilin malamikoj de la homaro kaj de la ŝtato, kaj la edikto kontraŭ ili daŭre validis [5]; la oficiston […] respondis ĝentile: „ĉu vi havas ion por deklari, sinjoro?“ [6]; Lia Majesta Moŝto decidis, ke post la aprobigo de la kontraŭitalaj sankcioj ĝi deklaros defendmiliton kontraŭ Italio [7]; ĝi estas infektaĵo de lepro kaj la pastro […] deklaros, ke ĝi estas malpura [8]; mi decidis, ke ĉi tiu tago ne estos labortago por mi, mi deklaras ĝin libertago [9]; (figure) eta helpo, kaj jen venas longa danka deklarado [10]. anonciheroldi, profeti, proklamidifini, konigi, publikigi

1.

Tio, kion oni deklaras; dokumento, kiu enhavas la deklaritaĵon: per deklaro sur la dua paĝo la aŭtoro jam forlasis ĉiajn rajtojn siajn [11]; la oficiala esperantistaro, laŭ la deklaro de Boulogne, estas devigata al plena neŭtraleco [12]; post la deklaro inter ŝi kaj li, ili tute ne interparolis pri sia interrilato [13]; en Galicio, juda lingvo estis leĝe nemontrebla kiel la gepatra en deklaroj oficialaj [14]; la provoj influi aliajn internaciajn laboristajn asociojn favore al Esperanto […]malofte rezultigis multe pli ol simpatideklarojn [15]; pola konsulo en ekstera lando […] eksplicite ricevis la kompetenton akcepti tiajn voldeklarojn […] esti plu pola ŝtatano [16]; la diversaj intencdeklaroj havis kelkajn komunajn trajtojn [17]; la lasta skribaĵo de Gaston Waringhien estis lia aliĝdeklaro al la Esperanta PEN [18]; enspezdeklaro; dogandeklaro. deklaracio

2.

Programlingva frazo indikanta tipon aŭ signifon de programa objekto (nomo, konstanto, variablo, proceduro) por iu programregiono (ekz-e bloko, proceduro). konstantodeklaro, tipdeklaro, variablodeklaro, procedurdeklaro, funkcideklaro. ordono

Deklaro, per kiu oni sciigas sian amon al alia persono: „li nur diris, ke mi estas la plej bela virino en la tuta mondo.“ – „li pravas, tio ne estas amdeklaro, tio estas simpla fakto“ [19]; mi ŝatus forvojaĝi kun vi! tio ne estis deziro, eble amdeklaro [20]; Valdemaro petis de mi transdoni amdeklaron al Hilda [21]. amkonfeso

Oficiala deklaro pri komenco de milito kontraŭ alia partio: mi iĝis dekdu-jara kelkajn monatojn antaŭ la militdeklaro [22]; tiu kongreso, pro la militdeklaro bedaŭrinde ne povis okazi [23].