*polic/o Fab1

*polico   Vikipedio

POL Administracio komisiita por prizorgi la publikan ordon kaj sendanĝerecon: li ordonis al sia veturigisto veturi al la estro de la polico [1]; policoficisto [2]; la policokapitan' al vi venas por enketo [3]; reĝo donacis, sed polico minacas PrV ; virinoj en la bazaro interbatiĝis, sed la polico venis tro malfrue, tiam ĝi kaptis min, kaj ĝi tiel min regalis per vergoj, ke mi du tagojn ne povis sidi [4]; Arturon arestis la polico, […] li estis du aŭ tri semajnojn en la malliberejo FK ; oni diras, ke el najbaraj stratoj estas senditaj grandaj taĉmentoj de la polico Metrop .
angle:
police
beloruse:
паліцыя
bulgare:
полиция
ĉeĥe:
policie
ĉine:
警察 [jǐngchá]
france:
police
germane:
Polizei
hispane:
policía (cuerpo de)
katalune:
policia
nederlande:
politie
pole:
policja
portugale:
polícia
ruse:
полиция
slovake:
polícia
svede:
polis

policano   Vikipedio

Homo oficanta en polico: nia urbo havas bonajn policanojn [5]; policanoj malfermas la ambaŭ duonojn de la pordo [6].
bulgare:
полицай
ĉeĥe:
policista, strážník
france:
policier
germane:
Polizist
hispane:
guardia, policía
nederlande:
politieagent
ruse:
полицейский
slovake:
policajt, strážnik

policejo Vikipedio

Polica administrejo gardanta distrikton: ĉar [neniu] loĝanto de la strato alkonfesis [la aĵojn] al si, oni forportis ilin en la policejon [7]; mi rekte iros kun plendo, por ke oni prenu lin en la policejon kaj tuj en la malliberejon [8].
bulgare:
полиция, полицейско управление
france:
commissariat de police
germane:
Polizeirevier
nederlande:
politiekantoor
ruse:
отделение полиции, комиссариат полиции

policestro, ĉefpolicano  

Policano, ĉefulo de policejo aŭ de polica departemento: nia urbo havas […] ne sufiĉe energian policestron [9]; la princo […] ne forlasis ankoraŭ la palacon, kiam la policestro jam sciis pri la mortigo de la infano [10]; li ordonis lokigi la senkulpajn filojn de la ĉefpolicano […] sub la eŝafodon tial ke la varma sango de la patro ŝpruciĝu sur ilin [11].
bulgare:
полицейски началник
ĉeĥe:
náčelník policie
france:
commissaire de police
germane:
Polizeikommissar
nederlande:
commisaris
ruse:
полицмейстер, комиссар полиции, начальник отделения
slovake:
náčelník polície

policisto   Vikipedio

Policano, precipe tiu, kiu laboras enkete, garde, helpe por la publiko: aperis en la hotelo kvara gasto, […] kriminala policisto el Parizo [12]. la mastro vidis ĝis hodiaŭ nek la krimulojn nek la kriminalan policiston FK ; la policistoj regalis per bastonoj la batalantojn [13].
bulgare:
полицай
ĉeĥe:
policista, strážník
france:
policier
germane:
Polizist
nederlande:
politiebeambte
ruse:
полицейский
slovake:
policajt, strážnik

kaŝpolicano, kaŝpolicisto  

Policano persekutanta krimulojn sen uniformo: [li] ankaŭ en la ekzilo restis kritikanto de la nazioj nesciante ke kaŝpolicano observadis lin [14]; Ŝvejk kaj la kaŝpolicisto [15]. VD:persekutisto, spiono1VD: Vd rimarkon ĉe detektivo
germane:
Zivilstreife
nederlande:
stille politieagent, politieagent in burger, geheime politieagent, detective

kontraŭtumulta polico

POL Polico taskata pri sekurigo de publikaj lokoj okaze de manifestacio, ribelo, tumulto, eventuale per uzo de forto: la kontraŭtumulta polico […] arestis kelkajn homojn kaj evakuis iom perforte la konstruaĵon [16].
16. -: Usona ambasadejo bruligita, eventeo, 2008-02-21
france:
CRS, police antiémeute

sekreta polico   Vikipedio

Polica Organizo, kiu kaŝe prispionas civitanojn por malkovri krimojn: jam de 1999 kaŝobservis lian loĝejon […] la sekreta polico [17]; antaŭ la vizito la sekreta polico arestis la tradukiston „pro propagando kontraŭ la popola ŝtatpotenco“ [18].
Rim.: Ne konfuzu kun sekretservo, kiu spionas eksterlande.
17. Monato, Jomo Ipfelkofer: Ni neniam konos la veron, 2003
18. Monato, Bardhyl Selimi: Por plori, por ridi, 2008
germane:
Geheimpolizei

administraj notoj