^*pot/o ^UV

Vazo kun fortika vando, uzata por konservi aŭ kuiri manĝaĵon, por kreskigi florojn k.a. uzoj: bolpoto, kuirpoto. sur la kameno inter du potoj staras fera kaldrono [1]; la patrino metis en la fornon malgrandan poton kun biero, por varmigi ĝin [2]; por niaj korpaj bezonoj ni uzis pispoton [3]; tie staris ansopoto kun ardantaj karboj, kion ili tie nomas marito [4]; [li] eltiris la tirkesteton el la muelilo kaj ŝutis la enhavon en kafpoton [5]; la fajropoto varmigas kiel kahela forno [6]; mezurpoto [7]; farbopoto [8]; argilpoto [9]; ne batalu pot' el tero kontraŭ kaldrono el fero (ne ataku potenculon) ^PrV ; poton taksu laŭ sono, sinjoron laŭ tono ^PrV .

Poto por kultivado de ornamaj plantoj: ŝi prenis la plej grandan florpoton, kiun ŝi povis trovi [10]; kaj ili plantis la kernon en florpoton [11].

Poto metebla super fajro por kuiri nutraĵojn en ĝi: mi rigardis la rostilon kaj, apud la fajro, etan napon longetan kaj aĉan, kiun oni ĵetis tien sendube ĉar ne bona por la kuirpoto [12]. kaserolo, pato

1.

Mikso de diversaj manĝaĵoj, kune kuiritaj: Lorena mikspoto […] estas origine kamparana nutraĵo [13]; nia hodiaŭa varma manĝo konsistos el mikspotaĵo de krispa brasiko [14].

2.

(figure) Mikso de diversaj, eventuale neharmoniaj aferoj; pelmelo, salato³: Silezio estis mikspoto, en kiu miksiĝadis influoj aŭstriaj, bohemaj, luzacaj, germanaj, polaj kaj prusaj [15].

Telero kiun oni metas sub florpoton por kolekti superfluan akvon: Jan serĉis iun subpoton por sia planto [16].

Poto el bakita argilo: pasteĉo estas bakita en tegaĵo el pasto aŭ en terpoto ^PIV3 .

Simpla plado el plurspecaj legomoj, eventuale grenaĵo kaj viando- aŭ fiŝopecoj, ĉio kune kuirita en akvoplena poto: beta unupotaĵo [17]; mi denove gustumis la faman nigran nudelon […], ĉindevena unupotaĵo [18]. olapodrido

Homo, kiu profesie okupiĝas pri farado de potoj, precipe tiu, kiu faras ilin per bakado de argilo: ĉu diras argilo al sia potfaristo: kion vi faras? via faritaĵo estas malforta? [19]. ceramikisto

Farado de potoj, precipe per formado kaj bakado de argilo: somere estas organizataj tie „someraj lernejoj de potfarado“ [20]; potfarado estas tradicia metio en Bhaktapur [21].